Qidiruv

1. Nima? soʻroq olmoshining qisqargan shakli.

Senga buning na keragi bor?

— Bu na deb turibdi? — noib qamchisi bilan Avazga ishora qildi. — S. Siyoyev, Yorugʻlik

2. ayr. bogʻl. Uyushiq boʻlaklar yoki uyushiq gaplar boshida takrorlanib, ularni bogʻlaydi va boʻlishli feʼl bilan inkor maʼnosini bildiradi.

Undan na xat bor, na xabar,

Yoʻq, na qamoqxonasidan, na surgunidan qoʻrqadi Akmal! Gulchehrasiz hayot kerak emas unga! Gulchehradan ayriladigan boʻlsa otib yuborsalar ham pinagini buzmaydi. — O. Yoqubov, Er boshiga ish tushsa

ot Biror ish yoki narsadan olingan ijobiy natija, taʼsir; foyda.

Yangi mashinalar paxtachilikda juda katta naf keltirmoqda. Naf qilmoq. Dori hech naf qilmadi.

— Sening bir hafta ortiq ishlaganing yoki ishlamaganingdan menga nima naf-u nima zarar? — dedi boy achchigʻi kelgan holda. — S. Ayniy, Kullar

ot esk. kt. ayn. Nagʻal.

sft. 1. Biror narsa tarkibidagi yoki unga shimilgan, singigan suv.

Nam yemoq,. Nam tortmoq. Yerning nami qochibdi. Tuproqdagi namni saqlash choralari.

2. Suv; suyuqlik.

Nam koʻrmayin, qaqrab bu choʻllar Asrlarni kutib olganlar. — \. Olimjon

Bodring — issiqsevar, yorugʻsevar va namga talabchan oʻsimlik. — Fan va turmush

3. sft. Suv shimgan; hoʻl.

Nam roʻmol.

Oyoq ostidagi nam tuproqdan inson uchun juda yaqin, qon-qarindoshlik isi dimoqqa urilardi. — S. Anorboyev, Oqsoy

Rahimberdi nam koʻzlarini artib: — ilgʻaganim yoʻq, oʻgʻlim, — deb javob berdi. — X. Toʻxtaboyev, Shonli avlod

1. Aytilganning, koʻzda tutilganning oʻzginasi; xuddi, ayni.

— Otangizga rahmat, Yusvali togʻa! — dedi boshini qimirlatib Meli polvon. — Gapning naq onasini aytdingiz-qoʻydingiz! — P. Tursun, Oʻqituvchi

2. Qoq, ayni, xuddi.

Naq yarim kechada. Naq shu paytda.

3. Oz boʻlmasa; deyarli.

Naq yiqila yozdim.

4. Rosa, obdan.

Bahorda chunonam qoʻsh tortdiki, jonivor qorabayirni naq terga tushirib yubordi. — M. Ismoiliy, Fargʻona tong otguncha

5. Boʻlmasa, aks holda.

[Samovarchi] Tovushini baland qoʻyib, oʻzicha valdirar edi: — Hoy, aravakash bola, otingni tort, naq tezagini doʻppingga solib beraman! — Oybek,Tanlangan asarlar