Qidiruv

ot 1. Insonning biror narsani oʻylab chiqarish, tasavvur qilish qobiliyati; ijodiy tasavvur, faraz.

Fantaziyasi kuchli odam.

Devoriy suratda faqat fantaziyaga tayanib ish koʻrib boʻlmaydi. — Guliston

Sarguzasht — fantaziya bilan tirik, folklor esa fantaziya bobida yozuvchi uchun bamisoli bir qanot. — U. Normatov, Talant tarbiyasi

Shaxmat oʻyini fantaziyani qoʻzgʻatadi va oʻstiradi. — Gazetadan

2. Amalga oshishi qiyin boʻlgan yoki umuman amalga oshmaydigan, xomxayol, puch orzu.

Ochil Mahkamning ijod fantaziyasiga tushunmaganidan jilmayar edi. — P. Qodirov, Uch ildiz

E, bunga ishonmayman, bu puch xayol, fantaziya. — Gazetadan

Katta va kichik formadagi eng yaxshi asarlarning deyarli hammasi tinglovchilarga havola qilinmoqda M. Nasimov va boshqa kompozitorlarning rapsodiya va fantaziyalari shular jumlasidandir. — B. Ziyoyev, Ijod ufqlari

Ijodkorlarga xos tafakkur qilish hodisasi. Badiiy adabiyotda ijodiy fantaziyaning roli juda katta. Chinakam ijodkor ijodiy fantaziya tufayli oʻquvchini haqiqatda boʻlmagan, ammo roʻy berishi mumkin boʻlgan voqealarga ishontira oladi. Yozuvchining ijodiy fantaziyasi qanchalik kuchli boʻlsa, u shunchalik badiiy yuksak asarlar yaratadi. Aslida fantaziya qilish qobiliyati har bir kishida boʻladi. Ammo salbiy fantaziya xom xayol tugʻdiradi, xolos. Dunyodagi har bir xalqda ijodiy fantaziya tufayli yaratilgan oʻlmas badiiy asarlar mavjud. Oʻzbek xalq ertaklaridagi uchar gilam, yoriltosh xalq ijodiy fantaziyasining mahsulidir. Ijodiy fantaziyada ijodkorning orzu-umidi, talantining darajasi oʻz ifodasini topadi., ijodiy fantaziya