Қидирув

Бадиий асарларнинг бевосита мазмунини ташкил этган, ўзаро боғланган ва ривожланиб борувчи ҳаётий воқеалар системаси. Сюжет характер билан узвий боғлиқ бўлиб, бадиий ижодда муҳим ўрин тутади. Сюжет бадиий адабиётнинг барча турлари ва жанрларида мавжуд. «Асарнинг сюжетли бўлиши унинг эстетик қимматининг энг муҳим шартларидан биридир. Сюжецизлик бадиийсизликка олиб келади» (Чернишевский). Сюжет характер билан воқеалар ўртасидаги муносабатни ифодалайди., сюжет

Бадиий асарларда воқеа ва қаҳрамонлар ўртасидаги зиддиятларнинг бошланиши. Масалан, Ҳамзанинг «Бой ила хизматчи» драмасида Солиҳбойнинг Жамила билан учрашиб, унга кўз олайтириш манзараси сюжет тугунидир., сюжет тугуни

Воқеабанд ғазал, шеър, поема ва шеърий романларга нисбатан ишлатиладиган шартли термин., сюжетли шеърий асар

Сюжет кўринишларидан бирини англатадиган шартли термин. Зич сюжетли асарларда экспозиция қисқа, воқеалар ривожи кескин бўлиб, кулминация кўпинча ечим билан қўшилиб кетади. А. Қаҳҳорнинг деярли барча ҳикоялари зич сюжетли асарларга мисол бўла олади., тиғиз сюжет, зич сюжет

Эпик ҳамда лирик-эпик асарлардаги воқеаларнинг маълум тартибда, кетма-кет мантиқий боғланишдаги жойлашиши. Бадиий асардаги сюжет чизиғи бевосита асарнинг композиция (қ.) сига алоқадор масалалардан биридир. Асардаги воқеалар бир-бири билан сабаб-оқибат муносабатида боғланган бўлиб, улар ижодкор ғоясини, мақсадини ифодалайдиган, рўёбга чиқарадиган тарзда жойлашган бўлади. Асарнинг сюжет чизиғида ҳар бир детал, ҳар бир эпизод бирор вазифа бажариши лозим, яъни сюжет чизиғидаги ҳар бир эпизод асар воқеаларининг мантиқий талаби зарурати туфайли киритилган бўлиши керак. Кўп планли бадиий асарда эса асосий сюжет чизиғи билан бир қаторда ёрдамчи сюжет, сюжет чизиғи

Фантастика, уйдирма етакчилик қилган сюжет. Масалан, Ғафур Ғуломнинг «Ҳасан Кайфий» ҳикояси асосида шундай эртак сюжети ётади. Ижодкорларнинг эртак сюжетига мурожаат қилишини қуйидаги сабаблар билан изоҳлаш мумкин: 1. Эртак сюжети ёзувчига ўз фикрини айтишга, ўқувчиларнинг эса бу фикрни тезроқ илғашига ёрдам беради, чунки эртак халқ учун яқин жанрдир. 2. Ижодкорни эртак сюжетига мурожаат қилишга давр тақозоси мажбур этади. Масалан, рус ёзувчиси Салтиков-Шчедрин ва украин адиби И. Франко сензурани чалғитиш учун эртак сюжетларига мурожаат этганлар., ҳикоявий сюжет, эртак сюжети