Қидирув

от қ. х. Чорва моллари учун ўт, маккажўхори, картошка, кунгабоқар ва шу кабиларнинг кўк пояларидан махсус ёʻл билан тайёрланадиган тўйимли ем, озуқа.

Силос бостирмоқ.

Ҳосил мўл, тобида силос қилмасанг, шираси камайиб кетади. — Ф. Нуруллаев, Бўз йигит

Силос, асосан, маккажўхори, оқ жўхори поясидан ёки пояси ва донидан тайёрланади. — Ўзме

от Силос бостириладиган иншоот, чуқур, ўра ва шу кабилар

Силосхоналарга маккажўхори кўкпояси узоқ вақт тўкилса, силоснинг сифати бузилади. — Газетадан

фл. Силос бериб боқмоқ.

Ем-хашакларни силослаш — чорва молларининг барча турлари учун витаминларга бой, узоқ вақт сақланадиган юқори сифатли (серсув ва ширали) озуқа тайёрлаш усулларидан бири. Силос тайёрлаш микроорганизмларнинг ҳаёт фаолияти билан боғлиқ бўлган биокимёвий жараёнларга асосланган.