Qidiruv

ot 1. Predmet va hodisalarni bir butun holda, ularni tashkil etuvchi qismlarning birligi va oʻzaro bogʻlanishida oʻrganadigan ilmiy-tadqiqot usuli; zid. analiz.

Sintez usuli bilan faqatgina tabiiy fanlarning emas, balki texnik va ijtimoiy fanlarning integratsiyalashuvi natijasida kibernetika, bionika, semiotika, tizimlar nazariyasi yaratildi. — Falsafa

2. kim. Bir xil kimyoviy birikmalardan boshqa birikmalarni yoki sodda elementlardan murakkab birikmalarni hosil qilish; shunday birikmalarning hosil boʻlishi.

Sanoatning yirik tarmoqlari, jumladan, boʻyagichlar, plastmassalar, sintetik kauchuklar va boshqalarni ishlab chiqarish organik sintez asosida rivojlandi. — OʻzME

Hujayra hayotida oqsil sintezi asosiy jarayon hisoblanadi. — Fan va turmush

3. Koʻchma Biror faoliyatning umumlashgan birligi, umumlashmasi; hosil boʻlgan yaxlitlik.

Zaynab va Omon poemasi Hamid Olimjonning urushdan burungi ijodiy faoliyatining sintezidir. — Oʻzbek adabiyoti

4. Bir necha xil sanʼat turi qoʻshilmasi, birikmasi (insonga har tomonlama estetik taʼsir koʻrsatadi).

Sanʼatimizda zamonaviy meʼmorchilik bilan monumental sanʼat sintezi tobora tabiiy tus olmoqda. — Gazetadan

ot Maʼlum dastur asosida barcha kuy va usullar, turli cholgʻu asboblari va tabiat tovushlari, qushlar ovozi, shuningdek, tabiatda mavjud boʻlmagan yangi tovushlarni chiqarib beruvchi murakkab elektron musiqa asbobi.

Sintezator musiqasi.

Oʻzbekistonda turli rusumdagi sintezatorlar 1980 yillarning boshlarida paydo boʻlib baʼzida konsert jarayonida ham joriy etilmoqda. — OʻzME

fl. 1. Sintez yoʻli bilan tekshirmoq, umumlashtirmoq, birlashtirmoq, sintez qilmoq.

2. kim. Sintez yoʻli bilan hosil qilmoq, olmoq, sintez qilmoq.

Yangi preparat sintezlamoq.

3. Bir-biriga qoʻshib, singdirib yubormoq.

Chunki u [SH. Xolmirzayev] hikoya yechimida uzoq oʻtmishga aloqador odat bilan yangi davr voqeligini badiiy sintezlay oldi. — OʻTA

sintezlamoq

анаболизм

fl. Sintezlamoq feʼlining majhul nisbati.