Поиск

ot ad. Nasrning kichik janri, kichik hikoya.

Abdulla Qodiriy oʻzbek adabiyotida satirik novellaga asos soldigina emas, u 20-yillardayoq birinchilardan boʻlib ikkita katta roman — Oʻtgan kunlar va Mehrobdan chayonni yozdi. — Gazetadan

ot Novella yozuvchi adib.

kirish hikoya. Katta badiiy asarga muqaddima sifatida kiritilib, uning asosiy mazmuniga singdirilib yuborilgan, yordamchi hikoya sifatida asosiy bayonga bir ochqich vazifasini oʻtaydigan hikoya. Kirish hikoyalar oʻz mohiyatiga koʻra prolog (q.) larga yaqin turadi. Kirish hikoyalar asosan katta epik turga mansub asarlarda uchraydi. A. Muxtorning «Chinor» romanidagi Chinor haqidagi hikoya, Gʻ. Gʻulomning «Tirilgan murda» povestidagi Abutanbal haqidagi afsona kirish hikoyalarga misol boʻla oladi.

kinonovella, kinohikoya. Kinoshunoslikning oʻziga xos termini boʻlib, 20- yillarda bu termin 8—10 sahifadan iborat boʻlgan kinossenariyning dastlabki mazmunini ifodalagan. Bunday kinonovellada asosiy voqealar yoʻnalishi, dramatik situatsiyalar mohiyati, ishtirok etuvchi asosiy obrazlarning qisqacha xarakteristikasi, voqealar yuz beruvchi makon va zamon loʻnda bayon etilgan. Keyinchalik kinonovella termini kino asarlarining hayotiy material qamroviga nisbatan adabiy novella janri bilan bir xil maʼnoda qoʻllanila boshlandi. Bunday filmlar ishtirok etuvchi shaxslarning miqdoran oz boʻlishi, voqealarning hajman qisqa boʻlishi bilan katta kino asarlaridan ajralib turadi. Hozir esa katta kino