Қидирув

байт. Араб, форс-тожик ва туркий халқлар адабиёцҳунослигидаги икки мисра шеърнинг номи. Ҳар қандай икки мисра шеър ҳам байт бўла олмайди.

(дубейта) дубайт, қўш байт ёки дубайта. Икки байт, тўрт мисрадан иборат шеър: арузнинг ҳазажи мусаддаси мақсур ёки маҳзуф вазнларида, асосан ишқий мавзуларда ёзиладиган шеърий шакллардан бири. Кўпгина илмий адабиётларда рубоий ва дубайта терминлари аралаш қўлланилади. Бу ҳол ҳар икки мустақил шеърий жанрларнинг ўзига хос хусусиятларини, улар ўртасидаги тафовутларни яхши билмасликдан келиб чиққандир. Рубоий аруз шеърий системасининг ҳазаж баҳридаги «ахрам» ва «ахраб» шажараларидагина ёзилса, дубайта, юқорида кўрсатилганидек, ҳазажнинг бошқа шохобчаларида ёзилади. Тематик жиҳатдан рубоий нисбатан кенг қамровга, яъни ижтимоий-фалсафий характерга эга бўлса, дубайта фақат ишқий мавзуда яратилади. Хуллас, дубайта ҳам, рубоий ҳам ўзига хос шеърий шакллар бўлиб, қофияланиш жиҳатидан улар фарқланмайдилар. Яна шуни ҳам айтиб ўтиш керакки, дубайта, асосан, тожик халқ ижоди ҳамда ёзма адабиётида кўп учрайди.