Поиск

ot 1. Bino va inshootlarda yuqoriga chiqish yoki pastga tushish uchun moʻljallab yasalgan pogʻonali qurilma va uning har bir pogʻonasi; zinapoya.

Gʻishtin zina. Marmar zina. Zinadan chiqmoq.

Hamdam aka ayvon zinasi oldida toʻxtadi. — S. Zunnunova, Gulxan

[Alimardon] Kampirning gaplarini eshitib ham oʻtirmay, zinalardan chopib tushib ketdi. — Oʻ. Hoshimov, Qalbingga quloq sol

Safarali bir zina pastga tushgan edi, orqada rus qizi bir nima dedi. — Oydin, Kelin oʻgʻil tugʻibdi

2. Ostona, boʻsagʻa.

Eshik ochilib, shop moʻylov, goʻshtdor yuzidan zahar tomchilagan Mochalov bilan birga uning kabi pogonli, yarogʻ-aslahali toʻra zinada qaqqaydi. — Oybek, Tanlangan asarlar

Uzoqdan darvozamiz koʻringanda, yuragim shuv etib ketdi. Darvoza zinasida kimdir choʻqqayib oʻtirardi. — Oʻ. Usmonov, Sirli sohil

3. koʻchma Bosqich, pogʻona; marta, karra.

Xonning yoʻlboshchisi boʻlgan kishining oʻzi zulmda Azizbekdan necha zina baland oʻrinni ishgʻol etuvchi kimsa boʻlsa, biz qandoq qilaylik! — A. Qodiriy, Oʻtgan kunlar

ot

Bugun Bobur kelishidan oldin Xoʻja Abdulloning farmoyishi bilan qasrning zinapoyalariga yana poyandoz toʻshaldi. — P. Qodirov, Yulduzli tunlar

Latifiy Fotimaning qoʻlidan ushlab, zinapoyadan chetroqqa tortdi. — P. Tursun, Oʻqituvchi

ot ayn. Zinapoya.

ot Kauchukni vulkanlash yoʻli bilan olinadigan elastik mahsulot va undan tayyorlangan narsa, buyum.

Dagʻal rezina. Rezina etik.

Emin qaradi: avtomatchi nemislar daryoning kun chiqish qirgʻogʻidan rezina qayiqda shu tomonga toʻppa-toʻgʻri bosib kelayapti. — I. Rahim, Chin muhabbat

Qoʻshnisinikidan oʻn besh metrli rezina shlang opchiqib berdi. — S. Ahmad, Saylanma

ot 1. Biror shaxs, tashkilot yoki davlat ixtiyoridagi qimmatbaho buyumlar; mablagʻ; boylik; davlat.

Mirzakarimboyning xazinasi Gulnorniki. — Oybek, Tanlangan asarlar

Temur Osiyoning hamma qismidan hadsiz-hisobsiz xazina yigʻdi, lekin ularni xasis odamlar kabi saqlamadi. — Fan va turmush

2. huq. Yer ostiga koʻmilgan yoki boshqa usul bilan yashirib qoʻyilgan, egasini aniqlash qiyin boʻlgan pul yoki qimmatbaho buyumlar (bular topilsa, davlat mulkiga oʻtadi va uni topgan kishi tegishli tartibda mukofot oladi).

3. Davlat puli, qimmatbaho narsalari, umuman, boyligi saqlanadigan joy.

[Husayn:] Xazinamda har qancha zar, har qancha aqcha boʻlsa, yurtning obodonligi uchun sarf etishga vaʼda beraman. — Uygʻun va I. Sulton, Alisher Navoiy

4. Oltin, kumush kabi qimmatbaho narsalar koʻmilgan, yashirilgan joy, dafina.

Yoʻl quvlagan xazinaga yoʻliqar, Gap quvlagan bir baloga yoʻliqar. — Maqol

Sherbek bu nuroniy cholning kimligini bilib, xazina topgan kishiday suyunib ketdi. — S. Anorboyev, Oqsoy

5. Markazlashgan davlatlarda ularning moliyaviy zaxiralari majmui.

Xazina biletlari.

6. Yer yoki tabiat boyliklari, tabiiy boylik.

Yer — xazina, suv — oltin. — Maqol

Oʻzbekiston yeri — koni xazina, Xalqi — olim, dehqon kamtar kamina. — Habibiy

Vatanimizning tuprogʻi — oltin, togʻ-u adirlari, choʻl-u sahrolari — tuganmas xazina. — S. Zohidov, Togʻlar bosh egmoqda

7. koʻchma Madaniy va maʼnaviy boyliklar, durdona asarlar majmui.

Roman [Sarob] 20 yil davomida adabiyotning bebaho xazinasidan olib tashlandi. — Gazetadan

Donolar taʼrificha, kitob — bilim manbai, insoniyat toʻplagan hikmatlar xazinasi. — M. Joʻra, Noshirnoma

ot tex. Temir yoʻl izlarida uncha uzoq, boʻlmagan masofaga borishga moʻljallangan, qoʻl kuchi yoki motor bilan yurgiziladigan toʻrt gʻildirakli arava.

Biz xuddi shu yerda drezinada [metroning] Oybek stansiyasigacha yoʻl olamiz. — Gazetadan