ot 1. Toza va yangi; orombaxsh, salqin va yoqimli.
Sarin bahor. Sarin shabada.
Umida bir meʼyorda shovullagan kuz yomgʻirining sarin salqinidan sal orom topgandek boʻldi, boʻshashib, kresloga choʻkdi. — A. Muxtor, Chinor
Oktyabr oyida oqshomlar sarin va musaffo, kunduzlar doʻst nafasidek iliq, orombaxsh boʻladi. — T. Jalolov, Oltin qafas
Mana, kuzak keldi, yellari sarin, Yoshlikdagi kabi tiniq, begʻubor. — Yoshlik
2. Nafis va yoqimli.
Navroʻzi ajam boshqa bir sarin kuyga ulandi va mashshoqlar vodiy yigitlari sevib aytadigan Tong otguncha yallasini boshladilar. — H. Gʻulom, Toshkentliklar