Поиск

sft. Qaymogʻi bor; qaymoq solingan.

Qaymoqli non.

fl. 1. Bir necha vaqt turgan, saqlangan sut betida paydo boʻladigan yoki sutdan separator yordamida yoki boshqa yoʻl bilan ajratib olingan quyuq, yogʻli mahsulot.

Quyuq qaymoq. Yaxshi sutning qaymogʻi sermoy boʻladi.

Sutdan qaymoq, qatiq, sariyogʻ tayyorlanadi. — K. Mahmudov, Oʻzbek tansiq taomlari

2. koʻchma Kishi yoki narsalarning eng yaxshi qismi, sarasi, asillari.

Yigitlarning qaymogʻi frontda Lekin ish sustlashgani yoʻq. — S. Zunnunova, Olov

— Juda soz, —

qichqirdi Oʻsarjon. — Soʻzning qaymogʻi — tanqid! — Oybek, Oltin vodiydan shabadalar

3. koʻchma Biror ish, narsa va shu kabilarning natijasi, hosili, xullasi.

Yerning qaymogʻi — mehnat qilganniki. — Oybek, Oltin vodiydan shabadalar

4. s. t. Suv betiga yalpoq tosh yoki boshqa narsani otganda, uning bir necha bor suv betiga tegishi, shu tegishdan hosil boʻladigan holat.

Nodir bilan Muzaffar pastroqda kim koʻp qaymoq qilish oʻynashardi. Nodir yassiroq tosh olib, suv oqimiga qarata otar, tosh esa suv yuzida sakray-sakray, besh-olti qaymoq hosil qilardi. — J. Abdullaxonov, Toʻfon

ot Qaymoq solingan, solinadigan idish.

Besh tiyinga yarim qaymoqdon qaymoq, ikki tiyinga bitta obinon olib, bir chekkaga choʻnqayib, qaymoq yeya boshladim. — Gʻ. Gʻulom, Shum bola

ot Qaymoq yeyishni yaxshi koʻradigan; qaymoqni koʻp yeydigan.

Qaymoqxoʻr odam.

fl. 1. Qaymoq bogʻlamoq (sut haqida).

2. kam qoʻll. Qaymoq tegib moylanmoq.

ot Miriqib, toʻyib qaymoq yeyish, qaymoqqa toʻyish.

Qaymoqxoʻrlik qilmoq.

— Baxtimizga bobo fermada ekanlar, yur, qaymoqxoʻrlik qiladigan boʻldik, — dedim Murodga. — A. Mirahmedov, Kulgan chechaklar