Поиск

ot 1. Ish-faoliyat, ijod doirasini oʻz ichiga olish, sigʻdira olish, qamrash imkoniyati.

Hodi Zarif — qamrovi keng olim. — M. Afzalov, Jonkuyar olim

Idrokimizdan koʻra koʻzlarimizning qamrovi kengroq boʻlsa ne ajab. — Sh. Rashidov, Qudratli toʻlqin

2. ayn. Qurshov, ogʻush.

Injenerlar bu joyning gardsimon qizgʻish tuprogʻini qoʻllarida ezgʻilab, xayol qamrovida oʻtirishar edi. — Y. Shamsharov, Toshqin

3. Biror narsaning faoliyat doirasi, chegarasi.

Rumiya gap qamrovini asosiy maqsadga burgan sari, Afanasiy Vasilyevich usta mergandek yoyni uzoqroqqa moʻljallab otardi. — S. Karomatov, Soʻnggi barxan

fl. 1. Atroflab oʻrab olmoq, qurshamoq.

Shahar atrofini oʻrmon qamragan. Dushman istehkomini qamrab olmoq.

Kosa koʻtargan xotin-xalaj qozon atrofini qamrab oldi. — P. Tursun, Oʻqituvchi

2. Yoyilib, tarqalib, maʼlum joyni egallamoq; bosmoq, tutmoq, qoplamoq.

Yongʻin butun uyni qamrab oldi.

Kecha gupullab qor tashladi, bugun uning qora sovugʻi hamma yoqni qamrab oldi. — M. Ismoiliy, Fargʻona tong otguncha

Roziqning aʼzoyi badanini yana oʻlim dahshati qamradi. — S. Anorboyev, Oqsoy

Butun borliqni qamrab olgan chirillash mana shu mitti jonivorlarnikiligiga ishonging kelmaydi. — Yoshlik

3. Oʻzida mujassamlantirmoq, aks ettirmoq, ifodalamoq; oʻz ichiga olmoq.

Juda katta davr tarixini qamrab olgan asar.

U [Navoiy] minglarcha yilgi madaniyatni, asrlarning fikr boyligini qamragan shoir edi. — Oybek, Navoiy

U tiniq daryo, musaffo osmon, cheksiz kengliklar haqida oʻylanar va xayoli shunday ulkan narsalarni bemalol qamrab olayotganidan hayron boʻlardi. — P. Qodirov, Uch ildiz

Капиталоемкость

fl. Qamramoq feʼlining orttirma nisbati.

comprehend, embrace, spread, take in, seize