Толковый словарь узбекского языка
· ещё в 6 словарях
ot 1. Xamirdan tayyorlanib, tandir, oʻchoq, tova va shu kabilarda pishiriladigan yegulik.
Bugʻdoy non. Zogʻora non. Shirmoy non. Boʻlka non.
[Kampir] Non yasab boʻlguncha, tandir qizidi. Keyin bir chekkadan yopdim. — Oybek, Tanlangan asarlar
2. Umuman, yegulik-ichgulik, yashash, tirikchilik uchun zarur narsa.
— Matqovul aka, men non toparmikanman, deb qorin gʻamida maktab ochganim yoʻq, — dedi u [Gʻulomjon] bosigʻi bilan. — M. Ismoiliy, Fargʻona tong otguncha
- Non gadoyi Nonga zor, kambagʻal-qashshoq. U yo oʻz-oʻzini oʻldirardi, yo xizmatkor yigit bilan bir yurtga qochib, kambagʻallikda, non gadoyi boʻlib yashardi. — Oybek, Tanlangan asarlar
- Non yemoq Biror narsadan foydalanib tirikchilik oʻtkazmoq, kun kechirmoq. Doim hovli, yer janjalidan non yeb yuradigan bir ellikboshi, afandining yoʻlini toʻsib, koʻrgan tushini aytib berdi. — Latifalar
- Non sindirish (yoki ushatish
- Noni butun Tirikchilik, yashash uchun zarur narsalari but, muhayyo, hech narsadan kamchiligi yoʻq, bekam-koʻst, toʻkis. Sartarosh u dunyo, bu dunyo xor boʻlmaydi. Hamma vaqt noni butun [dedi kampir Shodiga]. — E. Raimov, Ajab qishloq
- Noni yarimta Biror sherik yoki raqobatchi tufayli topish-tutishi kamaygan, yetishmay qolgan. Nima, Qobilov kelib, nonimiz yarimta boʻlib qoldimi, aksincha, qoʻlni-qoʻlga berib ishlasangiz, bitta noningiz ikkita boʻladi. — S. Mahkamov, Shogird
- Nonini tuya qilmoq Birovga tegishli haqning maʼlum qismini olmoq, oʻzlashtirmoq. Boʻshanglik qilsam, nonimni tuya qilib berishlari aniq, — oʻyladi Yoʻlchi. — Oybek, Tanlangan asarlar.