Поиск

ot 1. Kaft-panjaning zarb uchun siqimlangan holati; mushtum.

Botirning mushti ham yarogʻ. — Maqol

Qoʻrqqan oldin musht koʻtarar. — Maqol

Nodirning qoʻllari musht boʻlib, pay tomirlari boʻrtib chiqdi. — S. Yunusov, Kutilmagan xazina.

2. Mushtum zarbi.

Tor joyda osh yegandan, keng joyda musht yegan yaxshi. — Maqol

Sersoqol, dov askar bilan olishib, ikki musht bilan uni garanglatdi. — Oybek, Tanlangan asarlar

sft. Qoʻlidan biror ish kelmaydigan, ojiz, bechora (ayollar haqida).

[Toʻlaxon:] Ey xudoyim, men nima qilaman endi? Bir mushtipar boʻlsam. — Hamza, Paranji sirlari

Orzu havasingni koʻray, demaganmidi mushtipar kampir. — I. Rahim, Chin muhabbat.

ot 1. s. t. ayn . mushtdek.

Osmondagi boʻz turgʻay, Boʻzlamasang na boʻlgʻay? Mushtakkina joningga Kuylamasang na boʻlgʻay? P. Tursun, — Oʻqituvchi

2. Eski vaqtlarda bozor tarozidorlarining sotilayotgan narsadan oladigan tarozi haqi.

[ Ortiq aka:] Men sening molingni boyga tappa-tax oʻlchab berib, bir hovuch mushtak olishimni bilaman. — S. Ayniy, Qullar

sft. Zoriqish, sabrsizlik bilan kutuvchi; erishish, koʻrish va shu kabilarga istagi, ishtiyoqi kuchli.

Ona diydoriga mushtoq. Toʻngʻich oʻgʻlining baxtini koʻrishga mushtoq onaning boshidan bir chelak suv quyib yuborilganday boʻldi. — H. Gʻulom, Toshkentliklar

Atrofida uning latifalariga, qiziq-qiziq hangomalariga mushtoq boʻlgan besh-oltita oʻsmirlar. — S. Anorboyev, Oqsoy

ot 1. Papiros naychasining tamaki tiqilmagan, ogʻizga olinadigan qismi.

2. Sigaret, oʻralgan maxorka tiqib chekish uchun moʻljallangan naycha.

Mushtum — Abdulla Qodiriy tomonidan tashkil etilgan hajv va kulgi jurnalidir. Jurnal 1923-yil 13-fevralidan beri chop etiladi. Toshkentda oyda 1 marta chiqadi. Mushtumning 1-soni 1923-yil 18-fevralda Turkiston gazetasiga ilova (3 ming nusxada), 1924-yildan Qizil Oʻzbekiston nashri sifatida chop etilgan.