Поиск

fl. 1. Batartib terib, taxlab qoʻymoq; sigʻdirmoq, qoʻymoq.

Yashiklarga olma joylamoq. Vagonlarga yuk joylamoq. Kitoblarni tokchalarga joylamoq.

[Gulnor] Sanoqsiz asboblar, idishlarni pala-partish yigʻishtirib, sandiqlarga joyladi. — Oybek, Tanlangan asarlar

2. Solmoq, solib bekitib qoʻymoq.

Miltiqqa oʻq joylamoq.

Koʻldosh bobo pulni poʻstinning ich choʻntagiga ehtiyotlab joylab qoʻydi. — H. Gʻulom, Toshkentliklar

3. Biror ish yoki oʻqishga kirgizib qoʻymoq.

Oʻqishga joylamoq.

Nikanor ota uni oʻgʻliga qoʻshib, ustaxonaga ishga joylab qoʻydi. — S. Ahmad, Hukm

Oʻsha zamonda oʻlib ketgan xolavachchasining oʻgay oʻgʻli doktor boʻlgan ekan, uni urishib-urishib, kasalxonaga joylab qoʻydi. — A. Qahhor, Toʻy

fl. Joylamoq feʼlining majhul nisbati.

position, location, situation

fl. 1. Oʻtirmoq; oʻrnashmoq, joy egallamoq; sigʻmoq.

Xotinlar qiy-chuv bilan yetti aravaga joylashdi. — Oybek, Tanlangan asarlar

Stansiyaning idorasi, pochta va telegraf ikkita koʻk vagonga joylashgan. — A. Qahhor, Oltin yulduz

Eson-omon joylashib olgach, ovqatlanish va begona shaharni bir aylanish niyatida tashqariga chiqdim. — X. Toʻxtaboyev, Shirin qovunlar mamlakati

2. Yer yuzasi, tekislik yoki fazoda maʼlum vaziyat, joy olmoq, joylanmoq.

Maktab chorrahada joylashgan edi. — S. Zunnunova, Yangi direktor

Magazin maktabga qatnaydigan yoʻlimiz chekkasiga joylashgan. — Mushtum

Katta yoʻl yoqasida kompleksning maʼmuriy binosi joylashgan. — Gazetadan

3. Oʻtirmoq, choʻkmoq.

U [Sherzod] tarelkasini olib, chol oʻtirgan stolning bir chekkasiga joylashdi-da, endi oʻrtadagi nonga qoʻl uzatgan edi, toʻsatdan cholning qoshigʻi stol tagiga taraqlab tushdi. — Oʻ. Hoshimov, Nur borki, soya bor.

4. Kirmoq, oʻrnashmoq.

Oʻqishga joylashmoq. Ishga joylashmoq.

Maktabda domlaning tarafdorlari ham bor edi. Bularning koʻplari maktabga domla vositasi bilan joylashgan edi. — P. Tursun, Oʻqituvchi

fl. Joylanmoq feʼlining orttirma nisbati.