ot 1. Muhtoj boʻlmaslik (ehtiyoj sezmaslik) his-tuygʻusi, shunday his-sezgili munosabat, holat.
Egasining odamgarchiligi har qancha katta boʻlganda ham, mehmonlaring istigʻno va vijdon doirasidan chiqmasligi lozim. — A. Qodiriy, Obid ketmon
2. Goʻzal qiliq bilan tortinish; noz.
Nuqra Davronning oʻziga qadalib turgan koʻzlariga: Menga munaqa qaramang, deganday istigʻno bilan boqdi-yu, barmoqlarini silkitgancha, daraxtlar orasiga shoʻngʻib ketdi. — S. Karomatov, Soʻnggi barxan
— Bas, bas-e! — deb Qirmizxon istigʻno bilan chimirildi. — N. Aminov, Yolgʻonchi farishtalar