ot 1. Biror kimsa yoki narsa uchun boʻladigan naf, manfaat; ijobiy natija.
Yolgʻon aytib, foyda koʻrsang, oxiri zarar toparsan. — Maqol
Siringizni mendan yashirmang, balkim foydam tegib qolar. — K. Yashin, Hamza
Navoiy el foydasi va davlat manfaati uchun boʻlgan bu vazifaga, oʻz odati boʻyicha eʼtiroz qiladi. — Oybek, Navoiy
2. Qilingan xarj bilan olingan daromad oʻrtasidagi farqsan tashkil topgan summa, mablagʻ; daromad.
Qamishkapaliklar Zokirxoʻja qassob toʻgʻrisida gap borsa, har bir soʻyilgan qoʻydan ikki hissa foyda koʻrmasa, oʻzini changakka osadi, deb taʼriflar edilar. — P. Tursun, Oʻqituvchi
Menimcha, tijorat paydo boʻlgan zamondan boshlab bunday moʻl foydani hech kim koʻrgan emas. — Oybek, Tanlangan asarlar
3. Qarzga berilgan puldan foydalanganligi uchun qarzdordan kreditor oladigan qoʻshimcha pul, haq; foiz.
Qarzimni uzganman, faqat foydasi qolgan. — S. Abdulla, Tanlangan asarlar
- Foyda qilmoq 1. Ijobiy natija bermoq, oʻzining foydali taʼsirini koʻrsatmoq. Dori foyda qildi.Xalq juda koʻp shishlarni paxtadogʻ bilan davolaydi. Agar bu shish gazak shishi boʻlsa, paxtadogʻ foyda qiladi, lekin rak shishi boʻlsa, avj oldiradi. — A. Qahhor, Qoʻshchinor chiroqlari