Поиск

ot 1. Ezmaga xos xislat, ezma ekanlik

Mamarasul aka, suratkash ham ezmaligingizdan xabardorga oʻxshab qoldi deyman-a? — Uygʻun, Saylanma

2. Ortiqcha va unchalik kerak boʻlmagan tafsilotlarga, mayda-chuydalarga berilish.

U toʻylardan, azalardan esiga mahkam joylab kelgan mish-mish larni har vaqt ezmalik bilan soʻylar edi. — Oybek, Tanlangan asarlar

sft. Gapdan ogʻzi tinmaydigan, koʻp gapiradigan; sergap.

Ezma chol. Ezma boʻlmoq.

Koʻpchilik aytgandek, kishi qarisa, Ezma, nasihatgoʻy boʻlib qolarkan. — Gʻ. Gʻulom

Ogʻzi charchamaydigan ezma odam kerak buncha gapirishga. — E. Aʼzamov, Shaytonchalar koʻchasi

fl. 1. Ezmalik qilmoq, gapni choʻzmoq.

Bir necha farsaxdan keyin quduq kelishini oldindan aytar, quduqni ezmalanib tasvirlar, hammasi toʻgʻri chiqardi. — Mirmuhsin, Meʼmor

Ortiq ezmalanib oʻltirishga Ehsonning fursati yoʻq edi. — A. Qahhor, Sarob

2. s. t. Juda sekin, imillab ish qilmoq; ivirsimoq, ivirsiramoq, imillamoq.

Ezmalanmay, tez kiyinsang-chi!

sft. s. t. Ortiq darajada ezma.

Nima qilib bu ezma-churukni sudrab yuribsiz, beti qursin. — S. Ahmad, Soʻnggi nusxa

fl. Ezilib (ezmalik bilan) gaplashmoq, suhbatlashmoq.

Oʻz qoʻli bilan Qurbonaliga ovqat olib chiqdi. U bilan oʻtgan-ketganlardan ezmalashdi. — Shuhrat, Jannat qidirganlar