Поиск

fl. 1. Doʻngʻ etgan ovoz chiqarmoq.

2. Noaniq yoki qoʻpol gap qilmoq; toʻngʻillamoq.

Deraza tagida qovoqtumshugʻini osiltirib oʻtirgan Musa koʻsa doʻngʻilladi. S. Ahmad. — Hukm.

Kampir yana doʻngʻilladi. — M. Ismoiliy, Fargʻona t.o.

ot 3-sh. birl. (dongʻi) Shon-shuhrat, dovruq, mashhurlik.

Yolgʻiz otning changi chiqmas, changi chiqsa ham, dongʻi chiqmas. — Maqol

Johillikdan jon chiqar, Qobillikdan dong chiqar. — Maqol

Gulraʼnoning boʻyi yetib, dongʻi butun qishloqqa tarqaldi. — O. Yoqubov, Ota izidan

Oltin kuzimiz oʻzining saxovati bilan olamga dong taratgan. — Gazetadan

sft. Kichkina doʻng, pastak tepalik.

sft. Dong chiqargan, dovrugʻi ketgan; shuhratli, mashhur.

Dongdor mexanizator. Dongdor vrach,

Uning sheʼrlaridagi fasohat, topqirlik, bu yigitning quvvai hofizasi dongdor shoirni maftun etdi. — S. Siyoyev, Yorugʻlik

Barhayot Oybek bu —

qutlaydi mamnun, Qutlar Gʻafur Gʻulom — dongdor zamondosh. — A. Oripov, Yillar armoni

ot 1. Doʻmpayganlik, qappayganlik, boʻrtiqlik.

2. Yerning qavariq boʻlib chiqqan joylari, doʻng yer, tepalik.

Maktabimizning oldida kattakon doʻnglik bor. — E. Raimov, Ajab qishloq

Mashina terak boʻyi doʻnglikka koʻtarildi. — E. Usmonov, Yolqin

Biz uchun koʻkarar doʻngliklarda chim, Biz uchun yashaydi koʻkda yulduzlar. — Yoshlik

sft. 1. shv. 1 Gʻildirak (arava, vagon, parovoz va shu kabilarda).

Poyez(d)ingni yurgizgan Oʻtxonasi bilan doʻngalagi. — Qoʻshiqlar

Yumaloq olam ham sirli bir choʻpchak, Doʻngalak aylanur nahot begupchak. Mirtemir, — Asarlar

2. Yumaloq yoki doira shaklidagi.

Koʻhna, tutilaverib siri koʻchib ketgan doʻngalak xontaxtani keltirib oʻrtaga qoʻydi. — S. Siyoyev, Rayhon

Koʻchada ikki otliq turardi. Biri tulki tumoq kiygan, boʻydor, ikkinchisi doʻngalak telpakda. — S. Siyoyev, Avaz

3. Doʻng yer, tepalik.

doʻngalaklarni buzib, yerlarni tekislash va chimzorlarni haydab, ishga solish kabi ishlarga eʼtibor berish lozim. — I. Rahim, Ixlos