ot 1. Fikr, fikr-u zikr, fikr-yod.
Oʻzini unutib, barcha diqqati hujra ichiga oqqan edi. — A. Qodiriy, Oʻtgan kunlar
Sidiqjon bolaga qarab, u-bu deb turgan boʻlsa ham, koʻzi va butun diqqati Sharofatda edi. — A. Qahhor, Qoʻshchinor chiroqlari
2. Nazar-eʼtibor, iltifot; sinchkovlik.
Diniy va milliy ruhning tarbiyasiga alohida eʼtibor va diqqat lozim. Oybek, — Nur qidirib
[Kumush] Sochlari orasidagi chigillarni diqqat bilan tarab, jom yoniga oʻtirdi. — A. Qodiriy, Oʻtgan kunlar
Toʻlqinjon Hurining soʻzlarini zoʻr diqqat bilan tingladi. — F. Musajonov, Huri
Yoʻlchi oʻroqqa diqqat bilan tikilib qaradi va enkayib oʻra boshladi. — Oybek, Tanlangan asarlar
3. sft. Uzluksiz eʼtibor talab etadigan, yurakni siqib yuboradigan, ogʻir, mashaqqatli.
Diqqat ish.
4. Zeriktiradigan, zerikarli, maroqsiz.
Diqqat gap.
5. kesim vzf. Boʻgʻilgan, yuragi siqilgan; xafa.
Oʻzi diqqat, xunob, lekin tez-tez xayolga ketardi. Oybek, — Nur qidirib
Avaz diqqat. Xiva tomonga qarayverib, koʻzi teshilay dedi. Otasidan mujda yoʻq. — S. Siyoyev, Avaz
- Diqqatga sazovor (yoki loyiq) yoki shoyoni diqqat Eʼtibor etishga arziydigan, eʼtiborni oʻziga tortadigan. Diqqatga sazovor gap.Shahringizning diqqatga sazovor joylarini keyin koʻramiz. — GuldastaXoʻjayev afandining fikri-zikri shoyoni diqqat. — Z. Said, N. Safarov, Tarix tilga kirdi
- Diqqatni jalb qilmoq (yoki tortmoq) 1. Eʼtiborni, fikrni bir joyga toʻplamoq, yigʻmoq, eʼtiborni biror narsaga qaratmoq. Maʼruzachi tinglovchilarning diqqatini shu masalaga tortdi;Tebranib yonayotgan sham zoʻr moʻʼjizaday hammaning diqqatini jalb qilgan edi. — A. Qahhor, Koʻr koʻzning ochilishiDastlabki kunlarda qishloq aholisining diqqatini jalb qilgan yangi domla bora-bora nazardan tushib qoldi. — A. Qahhor, Qoʻshchinor chiroqlari
- Diqqat boʻlmoq yoki diqqati oshmoq Boʻgʻilmoq, siqilmoq; zerikmoq. Shu bugun kechqurun haligiday diqqat boʻlib oʻtirganida, yana Latofatxon esiga tushib, bir fikrga keldi. — A. Qahhor, AsarlarUning [Raʼnoning] diqqati oshib ketgan, tiq etsa, eshikka qarab qoʻymoqda. — H. Nazir, Soʻnmas chaqmoqlar
- Diqqat qilmoq 1. Eʼtibor bermoq; iltifot qilmoq. Hali diqqat qilmagan ekanman: yuzlari sip-silliq, xuddi toshdan yasalganga oʻxshaydi. — X. Toʻxtaboyev, Shirin qovunlar mamlakatiHokim toʻrani diqqat qilma. — K. Yashin, Hamza