Поиск

sft. 1. koʻrs. olm. Xuddi aytilganga, koʻzda tutilganga yoki koʻz oʻngidagiga oʻxshash, teng; bunaqa, bu kabi.

Bunday paytlarda Lugʻumbek taraflarda havo nihoyatda dim boʻladi. — S. Ahmad, Ufq

Boʻtaboy bunday savolni kutmagan boʻlsa kerak, gangib qoldi. — A. Qahhor, Qoʻshchinor chiroqlari

Bunday tuygʻun, bunday ziyrak, bunday boadab qiz yetti iqlimda ham topilmaydi. — Oybek, Tanlangan asarlar

2. rvsh. vzf. Shu qadar, shunchalik, bunchalik.

Bir joyga borib, sira bunday kech qolgan emas edi. — A. Qahhor, Qanotsiz chittak

Agar san bir xum oltin topsang, bunday sevinmas edim. — Oybek, Tanlangan asarlar

3. Quyidagicha.

Bir xatida bunday debdi: Katta poxoddan keyin hozir dam olib oʻtiribmiz. Juda charchaganman. — A. Qahhor, Oltin yulduz

4. rvsh. Aytilganga, kutilganga, koʻzda tutilganga yoki koʻz oʻngidagiga oʻxshash bir zayl-da, tarzda; shunday.

Yoʻq, bunday boʻlmasligi kerak, bunday boʻlmasligi kerak, bu insofdan emas — X. Sultonov, Onamning yurti

Qoratoy, san bunday qil, hozir borib yot, charchagansan. — Oybek, Tanlangan asarlar

Yoʻq bunday emas! Mening zotimda jinoyatchilar yoʻq. — Mirmuhsin, Meʼmor

— Bunday qilamiz, — kapitan oʻrnidan turdi. — Oʻ. Umarbekov, Yoz yomgʻiri

5. -lar Qoʻshimchasi olib otlashganda, biror guruh vakili boʻlgan shaxsni anglatadi.

Kim biladi, unaqalar koʻp axir, u kam, Kim ham axir bundaylarni yoʻlga solibdi. — A. Oripov, Yillar armoni

Bundaylardan mingtasining qoshi bir tola sochingga arzimaydi. Bilaman, qizim — Oybek, Tanlangan asarlar

olm. 1. (joʻnalish kelishigida bunga, oʻrin-payt kelishigida bunda, chiqish kelishigida bundan)

2. Soʻzlovchiga yaqin, uning koʻz oʻngidagi, oldidagi, yonidagi yoki qoʻlidagi narsani, kimsani bildirib keladi yoki oʻshanga ishora qiladi.

Bu kishi — bizning oʻqituvchimiz.

Men uchun endi bu jahonda yolgʻiz siz borsiz, xolos! — O. Yoqubov, Er boshiga ish tushsa

Bu niyat uning xotini Sobiraxonga juda maʼqul boʻldi. — A. Qahhor, Asarlar

— Sen oʻgʻlimsan, — Yoʻlchiga mehr bilan tikildi chol, — bu ojiza — qizim. — Oybek, Tanlangan asarlar

3. Qarama-qarshi ikki narsadan birini yoki biror tomonni koʻrsatish uchun xizmat qiladi.

Koʻchaning bu betidagi uy. Daryoning u betidan bu betiga suzib oʻtmoq.

Dushman oʻq yegan toʻngʻizday, oʻzini u yoqdan bu yoqqa urar edi. — A. Qahhor, Asarlar

U yoqni qaradik, bu yoqni qaradik — yoʻq. — Oybek, Tanlangan asarlar

4. Chogʻishtiriladigan ikki narsa, kimsa, voqea, hodisa va shu kabilardan birini koʻrsatish uchun xizmat qiladi.

U boshqa, bu boshqa. Undan bu yaxshi.

Birovga u dedi, birovga bu dedi Xullas, yoʻnma sheʼrini bostirishga muyassar boʻldi. — Mushtum

5. Soʻz borayotgan paytga yoki unga yaqin fursatga ishora qiladi.

Bu kunlarda Boʻtaboy butun roʻzgʻor oʻziga qolgan yosh yigitchaday boʻlib qoldi. — A. Qahhor, Qoʻshchinor chiroqlari

Bu kecha Shoqosim juda xursand edi. — Oybek, Tanlangan asarlar

Bu yil yogʻin-sochin koʻp boʻlib, yer-koʻk chamanday yashnab ketdi. — S. Siyoyev, Yorugʻlik

olm. kt. Bunday.

ot Bor narsasi, butun mol-mulki.

Bor budini tortib olib, koʻchaga haydab chiqardi. — N. Qobul, Unutilgan sohillar

Shu davrada omadsizlardan, yaʼni yutqizganlardan biri — Namoz bangi degan vor budidan ajragan. — Mushtum