ot 1. Din. Erta bilan kun chiqmasdan oʻqiladigan birinchi namoz.
Muzday kuz suviga yuz-qoʻlini yuvdi-da oʻchoq boshida ivirsib yurgan xotinidan soʻradi: — Onasi, bolangiz bomdodga chiqib ketdimi? — M. Ismoiliy, Fargʻona tong otguncha
U, bomdodni ado etgach, xarsangtoshlar oralab sharqirab oqayotgan soy boʻyiga tushib, tabiatning mislsiz jamolini tomosha qildi. — Mirmuhsin, Meʼmor
2. Erta tong payti; sahar.
Bomdodda turmoq. Bomdod bilan joʻnamoq.
Osmonda yulduzlar charaqlar, Yetti qaroqchi magʻrib ufqida yonboshlab yotar, bomdodgacha bir necha soatgina qolgan edi. — S. Siyoyev, Avaz
Oʻtirishlar tongga yaqin tugadi. Sayfiy bomdod mahali chiqib ketdi-yu, toʻyxonaga qaytib kelmadi. — S. Siyoyev, Avaz
- Bomdod namozi Maqsud qori bomdod namozidan bugun ertaroq qaytdi. — X. Toʻxtaboyev, Yillar va yoʻllarSeshanba kuni bomdod namozidan to tushga qadar Vafo attor intiq boʻlib Kimyoxonni kutdi. — N. Aminov, Yolgʻonchi farishtalar