Поиск

son 1. snq. son Besh raqami va shu raqam bilan ifodalangan, toʻrt bilan olti orasidagi son, miqdor.

Besh kishi. Besh kilogramm olma. Besh karra besh — yigirma besh.

Tolibjonboyning besh oʻgʻli, uch qizi bor ekan. — Oybek, Tanlangan asarlar

Oʻzingiz oʻylab qarang, oʻquvchilar bundan besh yil avvalgi oʻquvchilar emas. — S. Zunnunova

2. Besh balli baho tizimida eng yuqori (aʼlo) baho.

Matematikadan besh oldim. Uning attestatida nuqul beshlar.

3. Koʻp, ortiq, ziyoda..

Shaksiz, shubhasiz.

Men yaxshi anglayman, moziy ne demak, Tarixda har kimning bor oʻz zamoni. Lekin tanimizda kezar-ku beshak Olis bobolarning ming yillik qoni. — A. Oripov

İnsanoğlu, insan.BASHAR

ot 1. etn. Chaqaloqni belab va tebratib uxlatish uchun tol yoki tut yogʻochidan yasalgan yoʻrgʻa oyoqli maxsus moslama; tebratma belanchak.

Beshikdagi Uchqun uydagi harakatni sezib, ovozlarni eshitib, hadeganda uxlay bermadi. — H. Gʻulom, Mashʼal

Muborakning otasi qishda duradgorlik qilar, eshik, beshik, sumak, sandal, zarang tovoq yasardi. — S. Nurov, Maysalarni ayoz urmaydi

2. koʻchma Biror narsaning, voqea-hodisaning tugʻilgan yeri, makoni, manbai.

Baxt beshigin quchoqlab, bizni ulgʻaytirdingiz. — Gʻ. Gʻulom

Bir qator dor bilan sharmanda boʻldi Fashizm beshigi boʻlgan Nyurnberg. — Gʻ. Gʻulom

Yam-yashil oʻtloqlar million-millionlab qoʻzi, toychoqlarning beshigi boʻlur. — Gʻ. Gʻulom

ot Besh kishi yoki bir turdagi beshta narsa.

Beshovimiz birgalikda.

Koʻkish havo bilan chulgʻangan jilgʻa etagida bir qora paydo boʻlgan edi Bir zumda ikkov, uchov, toʻrtov, beshov boʻlishdi. — P. Tursun, Oʻqituvchi

son Besh dona, besh nafar.

Beshta qalam. Beshta narsa. Beshta odam.

Bu toʻgʻrida ham talay tortishish borgandan soʻng, oxiri beshta qoʻl mashina belgilanib, taklifi ham tovushga qoʻyiladigan boʻladi. — A. Qodiriy, Gʻirvonlik Mallavoy