1. Qilgan ish, yaxshiligi uchun minnatdorlik talab etmaydigan; minnat, tama qilmay.
Ellik-boshi uning husniga mahliyo boʻlibdi deysizmi, unga beminnat xizmatkor kerak. — A. Qahhor, Qoʻshchinor chiroqlari
Malohat bularning hammasiga yaxshi tushunadi va beminnat xizmat qiladi. — Ishchilar
2. Faqat foydasi tegadigan, ammo buning evaziga hech narsa talab qilmaydigan; qulay; arzon.
Elektr energiyasi hojatbaror, qudratli, beminnat kuchdir. — T. Ahmedov, Hotamtoylik
Ilm-hunar shunday beminnat mulkki, odamga hech qachon ularning ogʻirligi tushmaydi. — R. Usmonov, Odobnoma
- Dastyori beminnat Minnatdorlik talab qilmaydigan dastyor, koʻmakdosh (odatda dastyorlikka yarab qolgan oʻz farzandlari haqida).