По запросу «bachchalik» — результатов: 7
ot 1. shv. Goʻdaklik, bolalik davri.
Bachchalikdagi qiliqlari esiga tushdi, uyqusi qochdi, daryoday toshdi. — Qoʻshiqlar
Otining yolin taradi, Bachchalik davrin suradi. — Gulshanbogʻ
..bir bezori va chapani holda bachchalik davri bilan xayrlashdi. — A. Qodiriy, Mehrobdan chayon
2. etn. Bachcha maqomida, holatida boʻlish (
Bachchaning ota-onasi [bolasini] bachchabozgʻa bachchalik uchun bersa olti oydan kam boʻlmagʻon muhlatga ozodlikdan mahrum qilinur. — Gazetadan
ot 1. shv. Bola.
Duoyi salom oʻsha bachchalarning onasiga, umid bilan bir yostiqqa bosh qoʻyib, kecha-kunduz duoyi jonimda boʻlganga! Oydin, Shirin keldi.
2. etn. Birovning (akavachchasining) qaramogʻida va ixtiyorida boʻlgan xushroʻy, kelishgan oʻyinchi oʻgʻil bola; besoqol.
Oʻsha bachcha ham odam farzandi. Ota-onasi kambagʻallikdan uni bachchalikka sotgandir. — Oybek, Tanlangan asarlar
3. Umuman oʻyinchi bola, raqqos.
Nogʻorachining bachchasi.
Oʻrtada oʻn olti-oʻn yetti yashar bachcha oʻynaydi. — Oybek, Tanlangan asarlar
Nogʻora choʻpining tez urilishi, bachchaning bir aylanishi va kuchli, yalpi qiyqiriq bilan bazmning birinchi qismi tugadi. — Oybek, Tanlangan asarlar
ot etn. Bachcha saqlovchi shaxs; bolaboz, besoqolboz.
Boz-boz, dorboz, nayrangboz, bachchaboz, qimorboz, bedanaboz, kaptarboz kabi bozlarni man qilsangiz, menga ish topib ber deydigan koʻpayadi-qoladi. — Luqmoni Hakim
ot 1. soʻk. Nafrat, gʻazab bilan qattiq koyishni ifodalaydi.
Boy: xotinlik boʻlib qolganingga shukur qilsangchi, bachchagʻar!
Boy ila xizmatchi.
— Olib bor, bachchagʻarni! Qamab qoʻy! — deb baqirdi mingboshi. — Choʻlpon, Kecha va kunduz
2. Yengil koyish, norozilikni ifodalaydi.
Jilla qursa, oq soqolimni hurmat qilmadi-ya, bachchagʻar. — Yoshlik
— Ma, bachchagʻar, hazillashgan edim, hazilni bilmaysanmi, — deb roʻmolini qoʻliga berdi. — Oysuluv
ot ayn. Taloq qilingan xotindan tugʻilgan bola, taloq qilinganning bolasi; yengil koyishni ifodalovchi soʻkish shakli.◆
He, gap bilguncha ish bil, bachchataloq. — A. Qodiriy, Mehrobdan chayon
Nima demoqchisan, shu bachchataloq cholning bolasiga qizimni beraymi? — Ertaklar
ot Endigina pishib kelayotgan, hali gʻoʻra meva haqida.
Bahorning old mevasi tut bachchaxoʻrak boʻlishi bilan meni qidirgan odam darvozamiz roʻparasidagi qalandarxona xiyobonidan topardi. — N. Safarov, Navroʻz
