Поиск

fl. 1. Taqamoq feʼlining oʻzlik va majhul nisbatlari.

Yogʻochning uchi devorga taqalgan. Qayiq borib qirgʻoqqa taqaldi.

Hozir suhbat Elchibekka kelib taqaladiganday edi. — A. Muxtor, Tugʻilish

Suvi ancha tortilib qolgan koʻlning shimoliy etagi qishloq uylarining hovlilariga borib taqalar edi. — M. Ismoiliy, Fargʻona tong otguncha

Kamar bir odam bemalol engashib yura oladigan boʻlib, oxiri qayerga borib taqalishini hech kim bilmasdi. — P. Tursun, Oʻqituvchi

2. Biror narsaning bitishiga, yuzaga kelishiga qarab qolmoq, u bilan bogʻliq boʻlmoq.

Ruxsatnoma yozilgan. Ish suratga taqalib qoldi. Bugun u ham tayyor boʻladi. — N. Safarov, Saodatning qissasi

Koʻp narsa zamonaviy mashina-uskunalarning yetishmasligiga borib taqaladi. — Mushtum

taqal qilmoq Biror ishni bajarishga darrov kirishmay, oʻylanib qolmoq, kechiktirmoq; ketga surmoq, galga solmoq; bahona qilmoq

Tojixon, qoʻying shu vajhu taqalni — A. Muxtor, Kumush tola

Hayallamay jallod, endi boringlar, Taqal qilmay, tezroq borib kelinglar — "Alpomish"

Yomon xotin koʻp qiladi taqalni, Qirqqa kirmay oqartirar soqolni — M. Alaviya, Oʻzbek xalq qoʻshiqlari

fl. Ot-ulov tuyogʻiga taqa qoqmoq.

[Xolxoʻja Boʻtaga:] Menga yigit boʻl! Bir qoshiq qoningdan oʻtaman. Menga xizmat qil! Otlarni taqalaysan. — S. Ahmad, Hukm

fl. Taqalamoq feʼlining majhul nisbati.

fl. Taqalamoq feʼlining orttirma nisbati.

fl. Taqalamoq feʼlining birgalik nisbati.