sft. 1. Yupqa ipak gazlama.
Harirdan tikilgan koʻylak. Harir durra.
Mulozimlari tilladoʻz chopon va harir koʻylaklar tugilgan zarbof boʻgʻchani malika oyogʻi ostiga qoʻydilar. — M. Osim, Karvon yoʻllarida
2. Umuman, yupqa, nozik gazlama.
Harir shol roʻmol.
Raqqosa ustidagi harir matolarni itqitib tashlab oʻyin tushdi. Mirmuhsin, — Yoʻqolgan javohir
Harir matolardan tikilgan rang-barang qizlar koʻylagi xona devorida osigʻliq turar edi. — N. Safarov, Katta karvon yoʻlda
3. koʻchma Toza, musaffo, shaffof.
Kech kirib, oq harir qor ustiga tun oʻzining qora libosini yopdi. — Y. Muqimov, Matonatli kishilar
Tong otgan, havoni qoplagan harir tuman orasidan olisdagi togʻlar elas-elas koʻrinar edi. — O. Yoqubov, Izlayman