Поиск

ot 1. Inson yoki hayvon tanasining umumiy koʻrinishi; jussa, qad.

Joʻraboy otaning uzun qotma gavdasi qorongʻida koʻzdan gʻoyib boʻldi. — H. Gʻulom, Mashʼal

Qiz semiz gavdasiga yarashmagan epchillik bilan lip etib oldinga oʻtdi. — S. Siyoyev, Yorugʻlik

2. Tan, tana (vujud bilan jon qarama-qarshi quyilganda).

Yoʻq, yurdi emas, oyoqlarini ixtiyoriga qarshi sudradi. Lekin joni qolib, quruq gavdasi ketar edi. — M. Ismoiliy, Fargʻona tong otguncha.

3. Jonsiz tana, murda, jasad.

Darvozadan oʻn odim narida boshi tanidan uzilgan uch kishining gavdasiga yoʻliqdilar. — A. Qodiriy, Oʻtgan kunlar

4. Biror narsaning borligʻi, tanasi, koʻrinishi.

Hovli oʻrtasida chirik gavdasi oʻraday oʻpirilgan qari bahaybat tol. — Oybek, Tanlangan asarlar

Mudhish boʻlib koʻrinar Tunda togʻlar gavdasi. — Gʻayratiy

sft. 1. Gavdasi, jussasi katta, norgʻul, barvasta; jussali.

Bir vaqtlar gavdali va chiroyli boʻlgan oʻttiz yashar yigit hozir choʻpday ozib ketgan. — Oybek, Tanlangan asarlar

Yosh, lekin gavdali bir militsioner yigit kirib, hamma bilan salomlashib oʻtirdi. — S. Zunnunova, Olov

2. Aniqlovchi soʻz orqali ifodalangan jussaga ega boʻlgan.

Yoʻgʻon gavdali.

U oʻrta boʻyli, kichik gavdali, siyrak sariq moʻylovli, tiyrak koʻzli serharakat yigit. — Oybek, Tanlangan asarlar

fl. 1. Koʻrinmoq, koʻrinib turmoq, koʻzga tashlanmoq.

Yarim yoʻlga yetganda, uzoqda qop-qorayib gavdalanib turgan adir tomondan quuq degan choʻziq tovush eshitildi. — A. Qahhor, Maston

Shoxdor ola sigir gʻira-shira gavdalanib turardi. — Guldasta

2. Xayolan koʻz oldiga kelmoq, nazarida paydo boʻlmoq.

Oʻsha jang tafsilotini eslaganimda, barcha quroldosh doʻstlarim koʻz oldimda birma-bir gavdalanadi. — T. Rustamov, Mangu jasorat

Yana onasining oʻlim oldidagi qiyofasi koʻz oʻngida gavdalandi. — M. Xayrullayev, Tilla marjon

3. ayn. Aks etmoq, mujassamlashmoq, koʻrinmoq.

Bu tomonda nihoyatda ziynatlanib bino qilingan oliy imoratlar boʻlib, shahar ustalarining hamma sanʼat va mahoratlari shu binolarda gavdalanar edi. — A. Qodiriy, Oʻtgan kunlar

fl. Gavdalanmoq feʼlining orttirma nisbati.

fl. Gavdalantirmoq feʼlining majhul nisbati.

Двойственный характер труда, воплощенный в товаре