Поиск

ot 1. Yakka tuyoqlilarga mansub, quloqlari uzun, sutemizuvchi, otdan kichik ish hayvoni.

Eshak minganning oyogʻi tinmas. — Maqol

Boboqul ham yuklarini eshagiga ortib boʻlgan edi. — S. Anorboyev, Oqsoy

Qishloq dehqonlari qoʻqon aravalarda, eshak aravalarda oʻrik, tut, terak sarjinlari yuklab bormoqda edilar. — M. Ismoiliy, Fargʻona tong otguncha.

2. koʻchma Befahm, hech narsaga qiziqmaydigan odam haqida.

Ishqi yoʻq — eshak, dardi yoʻq — kesak. — Maqol

3. talaffuzda koʻpincha (eshshak) Shu hayvonga nisbatli haqoratni bildiradi.

4. Toʻrt yoki koʻp oyoqli uzun skameyka, oʻtirgich.

Mulla Obid javob oʻrniga koʻl siltab, Berdi tatar oʻtirgan yogʻoch eshakning ikkinchi boshiga kelib oʻtiradi. — A. Qodiriy, Obid ketmon

5. shv. Chayon.

6. s. t. Xarak.

Dutor eshagi.

7. s. t. Gimnastika mashqlari uchun belgilangan toʻrt oyoqli uzun, usti charm bilan qoplangan moslama; kozyol.

ot s. t. Teriga, baʼzan shilliq qavatlarga katta-kichik pufakchali toshmalar toshishi, qattiq qichishish bilan kechadigan kasallik; organizmning allergik reaksiyasi.

Eshonoyimlarning bitta-yarimtasiga eshakyemi toshdimikan degan xayollar bilan borib bir kishining eshagini bir soatga ijaraga olib keltirdim. — Gʻ. Gʻulom, Shum bola

ot bot. Dukkaklilarga mansub, urugʻi zaharli koʻp yillik yovvoyi oʻt.

Qishloq joylarda donli ekinlar bilan birga oʻsadigan ayrim oʻsimliklarda (eshakmiya va boshqalarda) zaharli alkaloidlar mavjud. — Fan va turmush

U vaqtlarda bu yerga suv chiqmaganda, eshakmiyadan boʻlak oʻsimlik ham oʻsmasdi. — Sh. Boʻgayev, Qoʻrgʻonlangan oy

ot zool. Tengoyoqli qisqichbaqasimonlar turkumiga mansub, toʻq binafsha rangli, bir necha juft oyoqli umurtqa-siz jonivor.

На осле седло не смотрится., Сидит, как на корове седло.

погов. осел предпочитает лебеду (о человеке, не обладающем вкусом).