узбекскийoʻtmoqрусскийпроходитанглийскийcross
Bu ertär eräžig eräž tutmayïl Bu vaqtinchalik (o‘tadigan) huzur-halovatni baxt deb bilmagin – Это
Поиск
По запросу «ERT=» — результатов: 21
Фильтр
Тип словаря
Словарные статьи
21
Толковый словарь узбекского языка
· ещё в 7 словарях
sft. 1. Belgili, odatdagi, meʼyoriy vaqtdan ancha yoki birmuncha oldin, barvaqt, vaqtli.
Erta turmoq. Erta borib, kech qaytmoq. Erta qarigan kishi. Bu yil qish erta keldi. Ekinni erta ekkan hosilini erta oʻrar. — Maqol
Harakating erta boʻlsa, kuzda erta oʻrarsan. — Maqol
Raʼno suv salqinida bugun ham erta uxlab qoldi. — I. Rahim, Ixlos
2. Vaqt, fasl bildiruvchi baʼzi soʻzlar bilan birikib, shu vaqt, faslning eng (endigina) boshlanish vaqtini bildiradi.
Erta tongdanoq ishga yoʻl olarkan qalbida ajib hislar mavj ura boshladi. — Gazetadan
Ikromjon, erta bahor Naymanga koʻchib chiqayotganlarida, Azizxonga yozilgan xatga qoʻl qoʻydi. — S. Ahmad, Ufq
Erta nahor chogʻida, dengizning yoqimli orombaxsh mayin shamoli esib turganda Kaspiy ajib jilvagar koʻrinardi. — N. Safarov, Olovli izlar
3. kesim vzf. Biror ish-harakatni bajarish, amalga oshirishga hali vaqt borligini, vaqti kelmaganligini bildiradi.
Uyga borishni istamadi, lekin gapga borishga hali vaqt erta edi. — Oybek, Tanlangan asarlar
Hali yotmoqqa vaqt erta edi. — A. Qodiriy, Oʻtgan kunlar
4. ot Tundan kunga oʻtish vaqti, tongdan soʻnggi payt; ertalab.
Nosvoy yoʻq, ertadan beri xumoriman. — Oybek, Tanlangan asarlar
Nima qilibdi yuragimga? Menga oʻxshab ertadan kechgacha uyda oʻtiring-chi. — A. Qahhor, Asror bobo
5. ot Kelasi kun, soʻz borayotgan kundan keyingi kun.
Bu voqeaning ertasi. Esarning ertasi koʻp. — Maqol
Bugun boʻlmasa, erta. Bugunmi, ertami, oʻqishni boshlaymiz.
Sizlar chiqinglar ish boʻlmasa, yotinglar, erta vaqtliroq turib, yovonga goʻng tashiysizlar. — S. Ayniy, Qullar
Direktorimiz erta bor, indin bor, deb ishni choʻzib yubordilar. — Mushtum
- Erta bilan Ertalab. Shahid boʻlgan sarbozlarni ertaga erta bilan shu yerga koʻmishni aytgan karvonboshi otga qamchi bosib, Xoʻqand sari chopdi. — Mirmuhsin, Meʼmor
- Erta bir kun Ish-harakat, hodisaning kelgusiga oidligi, kelgusida boʻlishini bildiradi. Kimlar esa bugun gʻolib, Erta bir kun zabundir. — E. Vohidov, Sharqiy qirgʻoq
- Erta kunda Umuman; har vaqt, doim. Erta kunda janjal.Himmat-ku erta kunda yoʻq, yana oʻzi oʻlgudek baxil — Mushtum
Толковый словарь узбекского языка
· ещё в 6 словарях
ot 1. Xalq ogʻzaki poetik ijodining asosiy janrlaridan biri; toʻqima va uydirmaga asoslangan, sehrli-sarguzasht va maishiy mazmundagi epik badiiy asar; choʻpchak.
Ertak aytmoq.
Bir ariqda sut, ikkinchi ariqda sharbat — ertaklarda boʻladi! — S. Anorboyev, Oqsoy
Ilmiy fantastik asarlar bilan adabiy ertaklar oʻzaro yaqin aloqadadir. — Fan va turmush
2. Hikoya, qissa, voqea.
Unsin hamma voqeani — akasi bilan Gulnorning sevgi ertagini kampirdan toʻla eshitdi. — Oybek, Tanlangan asarlar
Yolgʻiz Tiktepa qishlogʻidagina emas, tevarak qishloqlarda ham mulla Obidning ertagi, ekindagi muvaffaqiyati ogʻizdan ogʻizga yurib ketdi. — A. Qodiriy, Obid ketmon
ot 1. shv. Ertalab.
Oqshom palov, ertan choy. — Ravshan
2. Ertaga.
Shohim, bu mardudning tilini kesmasangiz, ertan sizga atab hajv bitmoqdan toymas. — S. Siyoyev, Yorugʻlik
Толковый словарь узбекского языка
· ещё в 3 словарях
Soʻz borayotgan kundan keyingi kuni.
Ertaga boramiz. Bugungi ishni ertaga qoʻyma. — Maqol
Ertaga ertalab bizni mashina kelib olib ketishini tushuntirdim. — S. Karomatov, Oltin qum
Толковый словарь узбекского языка
· ещё в 4 словарях
sft. 1. Ertaga boʻladigan; ertangi.
Ertagi majlis. Ertagi ish. Ertagi dumbadan bu kungi shalhak yaxshi. — Maqol
Ertagi savdoning dahsar ogʻirligi bor. — Maqol
Ertagi mashgʻulotlari yodiga tushib, Yotish kerak! dedi. — Shuhrat, Shinelli yillar
2. Boshqa xillarga qaraganda oldinroq yetiladigan, pishadigan; ertapishar, chillaki.
ertagi, oʻrtangi va kechki sabzavot, kartoshka, poliz va rezavor ekishari ekish rejasi toʻla bajarilgan. — Gazetadan