fl. 1. Birikmoq feʼlining orttirma nisbati.
Detallarni biriktirmoq. Moddalarni biriktirmoq.
Biz nutqimizda ayrim soʻzlarni oʻzaro biriktirib, gap tuzamiz va fikrimizni bayon qilamiz. — Oʻzbek tili darsligi
Tirik qolgan jangchilarni darhol har ikkala toʻp raschyotiga biriktirib, toʻplarni jangovar holatga keltirdi. — Gazetadan
2. Ixtiyoriga berib qoʻymoq, topshirmoq.
Dehqon-fermerlar foydalanib turgan yerlar ularga doimiy biriktirib qoʻyiladi.
Yangidan tashkil qilingan bogʻlar tajribali bogʻbonlarga biriktirib qoʻyilmoqda. — Gazetadan
3. Yoʻl-yoʻriq koʻrsatish, yordam berish yoki qarab turish uchun bogʻlab, qoʻshib qoʻymoq.
Birmuncha tajribali yozuvchilar konsultatsiya ishiga biriktirib qoʻyildi. — N. Safarov, Olovli izlar
Har bir oʻquv kabineti va ustaxonaga kombinat boʻlimlarining rahbarlari biriktirib qoʻyilgan. — Gazetadan
- Boshini biriktirmoq
- Til biriktirmoq Barno bilan til biriktirib qoʻyganiga qaramay, sovchilar qaytguncha, oyogʻi kuygan tovuqday pitirlab qoldi. — O. Yoqubov, Er boshiga ish tushsa