bogʻl. 1. Zid maʼnoli gaplarni, gap boʻlaklarini bir-biriga bogʻlash, qiyoslash uchun xizmat qiluvchi soʻz.
U sodiq qul, balki undan battar odam edi. — Oybek, Tanlangan asarlar
Yolgʻiz oʻzi emas, balki butun kosib ahlining ahvoli pachava ekanini ochib tashladi. — Oybek, Tanlangan asarlar
Kuchlilik — kurashda yiqitishda emas, balki gʻazabi kelganda, oʻzini bosib olishdadir. — Fan va turmush
2. krsh. s. Gumon, taxmin maʼnolarini bildiradi.
Balki, mahallasidan ham xotinlar kelgandir. — S. Zunnunova, Olov
Balki, kutar meni bir qiz, koʻzyoshlari oqizoq. — Sharq yulduzi
Balki, bu qiz Ona boʻlur tugʻilajak oʻgʻlimga. — Mirtemir