ot 1. Kuchli, shiddatli, zalvarli turtki, urilish; qattiq zarb.
Bokschining zarbasi. Hujumchining kuchli zarbasidan soʻng hisob ochildi.
Yer bora-bora kuchga boʻysunadi. Yoʻlchining zarbasi ostida toʻnkalar yalangʻochlana, oʻzining qoʻpol, bahaybat gavdasini koʻrsata boshladi. — Oybek, Tanlangan asarlar
2. Yakson etuvchi, yoʻq qiluvchi, shikastlovchi keskin harakat, shiddatli hujum.
Shiddatli zarbadan dushman talvasaga tushib qoldi. — Nazarmat, Joʻrlar baland sayraydi
Mirzo Ulugʻbek davom etdi: — Inshoollo, paydar-pay zarba bilan dushmanni parokanda qilib, tor-mor etamiz. — Mirmuhsin, Meʼmor
3. koʻchma Ogʻir kulfat, qattiq ruhiy shikast, ziyon-zahmat; turmush qiyinchiligi.
Gʻulomjon soʻnggi zarbaning [otasi vafotining} ogʻir jarohatidan uzoq vaqtgacha tuzala olmay yurdi. — M. Ismoiliy, Fargʻona tong otguncha
- Zarba bermoq Shiddatli hujum bilan yakson qilmoq, yoʻq qilmoq; shikastlamoq; yomonlik qilmoq. Shimoliy Kavkazda — Molgabek rayonida Nasrullayev qismi dushmanga qaqshatqich zarba berib, shuhrat qozondi. — T. Rustamov, Mangu jasoratShilin boshliq jangchilar suv bilan olishar, qirgʻoqqa chiqib olib, dushmanga zarba berishga oshiqar edilar. — N. Safarov, Olovli izlar
- Zarbaga uchramoq Qarshilikka duch kelmoq; tanqidga uchramoq, qattiq tanqid qilinmoq. Uning [Jamolovning] soʻnggi kitobi zarbaga uchradi. — J. Abdullaxonov, Oriyat