от 1. Кўмак берувчи, кўмакчи, мададкор.
Қиз онага ёрдамчи.
Очилвой шийпондан йигирма иккита фартук олиб чиқиб, ёрдамчиларга бўлиб берди. — Н. Аминов, Тилло табассумлар
2. Тегишли муассаса ва ташкилотларда биринчи даражали раҳбарга қабул, иш юритиш ва бошқа ишларда кўмак берувчи шахс.
Раис ёрдамчиси. Ректор ёрдамчиси.
Боқизоданинг бир неча лексия стенограммалари катта шов-шувга сабаб бўлиб, гап унинг ишда қолиш-қолмаслигигача бориб етганда ҳам, ўша номаълум қўллар масалани кун тартибидан олиб ташлабгина қолмай, домланинг декан ёрдамчиси қилиб тайинланишига эришдилар. — С. Кароматов, Олтин қум
3. Қўшимча равишда фойдаланиш, фойда олиш учун мўлжалланган; қўшимча.
[Ашир] Касалхонада ётиб тузалгандан кейин, лагернинг ёрдамчи хўжалигида ишлади. — С. Анорбоев, Оқсой
Электр қувватини кўпайтирувчи ёрдамчи стансияни монтаж қилишда ҳам наманганлик азаматлар ишлашди. — Ойдин, Ҳикоялар
- Ёрдамчи сўз
- Ёрдамчи феъл