от 1. Бирор иш ёки меҳнат билан шуғулланиш; бирор ишни бажариш; иш, меҳнат.
Бир кун эшон мени чақириб: — Ўғлим, — деди, — мана энди бизга анча хизматинг сингди. — Ғ. Ғулом, Шум бола
Юрт, ҳукумат асло бу хизматларингни унутмайди. — С. Аҳмад, Уфқ
— Агар менинг бу хизматим хон жанобининг марҳаматига лойиқ кўрилар экан, — деди ҳожи, — менга энг манзур бўлган мукофот ўғлимнинг озод қили-нишидир. — А. Қодирий, Ўтган кунлар
2. Бировга ёрдам кўрсатиш; холисона қилинган иш; ёрдам; яхшилик.
Бу хизматингни сира унутмайман. Элга хизмат — олий ҳиммат. — Мақол
Элга хизмат қилиб, болам, дуо ол. — Маликайи айёр
То ўлгунча, ота, қилай хизматинг, Қилган хизматларим — сенинг иззатинг. — Маликайи айёр
3. Бирор ташкилот, муассаса ёки корхонада бажариладиган иш, вазифа; лавозим; шундай жойда ишлаш.
Биринчи ноябрда бўлса керак, Муштум хизматига киришганман. — А. Қодирий, Кичик асарлар
Сиз, оғайнилар, илгари хон ёнида қандоқ хизматда бўлган бўлсаларингиз, энди ҳам ўша вазифада қолаберасизлар. — А. Қодирий, Ўтган кунлар
У [Аҳрор халфа Фузайилхонов] шу ердаги хизматга кириб, кейинчалик секин-аста биринчи синф ўқитувчиси бўлиб олди. — Муштум
4. Иш, топшириқ, вазифа.
[Ҳомид:] Кишининг хизматидан қочган одам эмасман. — А. Қодирий, Ўтган кунлар
Сизга оғир келмаса, бир хизмат топширмоқчиман, уста! А. — Қодирий, Ўтган кунлар
5. Сўроқ оҳанги билан айтилиб, Менда нима ишингиз бор? деган маънони билдиради.
— Хўш, ўртоқ Дўсматов, хизмат? — деди Давлатёр. — П. Турсун, Ўқитувчи
— Хизмат? — деди у [Акрам] юмшоқ креслонинг суянчиғига ўзини ташлаб, Нигорага тикилди. — С. Анорбоев, Оқсой
6. с. т. Армия сафида бўлиш, ҳарбий мажбуриятни ўташ.
Хизматга чақирилмоқ.
[Ота-оналар] Бундан бир ёки икки йил илгари аскарликка узатган ва хизматини тугатиш олдида урушга тўғри келиб, ҳозир жанг қилаётган болаларни эсладилар. — И. Раҳим, Чин муҳаббат
7. Армия таркибидаги айрим ихтисослашган соҳалар ёки тармоқлар.
Алоқа хизмати. Тиббиёт хизмати. Разведка хизмати.
- Хизмат қилмоқ 1. Иш, юмуш қилмоқ. Бу эса елиб-югуриб хизмат қилиб юрган Обидовнинг кўнглига ғулғула олди. — Газетадан;У институтда хизмат қилади;Бобурномадаги маълумотлар ҳозирги замон фани учун ҳам хизмат қилади. — Фан ва турмуш
- Хизмат ҳақи Бирор иш ёки топшириқни бажаргани учун бериладиган ҳақ. Мана, Мутал полвон, ҳозирча оз бўлса ҳам, шуни олиб турасиз, аммо хизмат ҳақингиз ўз ёʻлига бўладир. — А. Қодирий, Ўтган кунлар
- Хизматингизга тайёрман Нима иш буюрсангиз, бажаравераман, буйруғингизга мунтазирман. [Шофёр йигит:] Хизматингизга доим тайёрмиз. — С. Анорбоев, Оқсой
- Хизмат кўрсатган Меҳнати эътироф этилган кишиларга бериладиган фахрий унвонлар таркибида ишлатилади. Хизмат кўрсатган ўқитувчи. Хизмат кўрсатган фан арбоби. Ўзбекистон Республикасида хизмат кўрсатган артист.
- Хизмат кўрсатмоқ Кишилар эҳтиёжини, талабини қондириш билан боғлиқ бирор иш қилмоқ. Маданий хизмат кўрсатмоқ.
- Хизматда (ёки хизматингизда) бўлайлик Бирор кимсани меҳмондорчиликка таклиф қилганда, илтифот юзасидан айтиладиган ибора. Мулла Ғулом, бугун хизматда бўлайлик, қўл бўшади дегунча тўғри келаверасиз. — М. Исмоилий, Фарғона тонг отгунча