По запросу «suyalmoq» — результатов: 21
fl. 1. Suyamoq feʼlining majhul nisbati.
2. ayn. Suyanmoq.
fl. 1. Bir uchini yerga, ikkinchi uchini biror tik narsaga taqab turgʻizib qoʻymoq; tiramoq, tayamoq.
Hassani devorga suyab qoʻymoq. Tepib oʻtma, suyab oʻt. — Maqol
U devorga suyab qoʻyilgan oyboltaga tash-landi. — Yoshlik
2. Biror yeridan tutib, koʻtarib madad bermoq.
Kampir, aziz mehmonlarni oʻtqizgandan keyin, cholni suyab olib kirdi. — A. Qahhor, Oltin yulduz
[Soqi bobo] Uni qoʻl-tigʻidan suyab, otga mindirdi. — Ergash Jumanbulbul oʻgʻli
Oyoqlari uvushgan boyni aravadan suyab tushirishda bukriga Toshtemir koʻmaklashdi. — H. Gʻulom, Feruza
3. koʻchma Madad, yordam bermoq; qoʻllamoq.
Sen yoʻgʻingda meni shular suyab yurishdi-da. — H. Gʻulom, Mashʼal
ot 1. Odam va umurtqali hayvonlar skeletining har bir qismi; soʻngak.
Oʻmrov suyagi. Tizza suyagi. Suyak ogʻrigʻi. Fil suyagi.
Suyak butun boʻlsa, et bitib ketar. — Maqol
Boʻrijonning oriq, umurtqa suyaklari boʻrtib, qovurgʻalari sanalib turgan qoʻsh hoʻkizi omochni zoʻrgʻa tortib boryapti. — S. Nurov, Maysalarni ayoz urmaydi
Bobo., umr boʻyi koʻksini bekitmagan, anordek qizgʻish koʻksidagi suyaklar boʻrtib chiqib turardi. Mirmuhsin, Umid. Odam qoni tarkibida, shuningdek, suyagida oʻttizdan ziyod element uchraydi. — Fan va turmush
2. Soʻyilgan molning etli ustuxoni (ov-qat sifatida).
Suyak qaynatmoq. Suyak tozalamoq.
Goʻsht suyaksiz boʻlmas, Sholi — kurmaksiz. — Maqol
Axir sen it emasding-ku, belanib loyga, Bir-biringni gʻajisang to suyak talashib. — A. Oripov, Yillar armoni
3. Etdan tozalangan ustuxon (xomashyo, material sifatida).
Suyak yelimi. Suyak oʻymakorligi. Suyak tugma. Suyak uni.
Suyakka gul chizib, asboblar (parma, arracha, egov va boshqalar) yordamida oʻyib, naqshlar hosil qilinadi hamda jilolanadi. — OʻzME
4. sft. Juda oriq, ozgʻin,
Suyak odam,
Chol seskanib, boshini koʻtardi, yigitni quchoqlab, suyak qoʻllari bilan uning yelkasini siladi. — Oybek, Tanlangan asarlar
5. koʻchma Avlod, nasl; urugʻ.
Sulton suyagini xoʻrlamas. — Maqol
ot Yozilgan holdagi koʻrsatkich barmoq uchi bilan bosh barmoq uchigacha boʻlgan masofaga teng uzunlik oʻlchovi.
Farhod choʻntagidan uch suyam zanjir chiqarib, shahodat barmogʻida aylantirib oʻynay boshadi. — Yoshlik
Mana kurash esdaligi, yaxshi qara: Boʻksasida bir suyamcha yamoq-yara. — F. Gʻulom
sft. ayn. Suyakdor.
Suyakli, boʻychan yigit.
ot Tayanch boʻlib xizmat qiluvchi, madad beruvchi kuch; tayanchiq, tayanch.
Sendan oʻzga hech suyanchim boʻlmadi, Ne sababdir — kulib kelding, Yodgorjon? — Alpomish
Bu dunyoda birovga suyanch boʻlganing qoladi. — E. Samandar, Daryosini yoʻqotgan qirgʻoq
ot Suyab koʻtarib turish uchun xizmat qiladigan narsa; tirgovuch.
sft. Suyaklari yoʻgʻon, boʻlali, boʻliq suyakli.
Suyakdor odam.
Jundor bilaklarini tirsagidan pastroqqacha shimarib, maʼraka qozondagi oshni agʻdarayotganda, oshpazning suyakdor yonoqlari loladek qizaradi, tekis, keng peshonasiga reza-reza ter qalqib chiqadi — Yoshlik
Rustam — soch-soqoli oqargan, bir oz munkayib, choʻkib qolgan suyakdor chol. — M. Osim, Karvon yoʻllarida
sft. 1. Suyagi yoʻq, lahm (goʻsht haqida).
2. koʻchma Irodasiz, boʻsh.
Suyaksiz odam.
fl. 1. Orqasini, yelkasini, kiftini biror narsaga tirab oʻtirmoq yoki turmoq.
Devorga suyanmoq. Yostiqqa suyanmoq. Echkining tayoq yegisi kelsa, choʻponning tayoviga suyanadi. — Maqol
Ulugʻbek chayqalib, devorga suyandi. — Yoshlik
Aya keyin koʻrsa, Karomatxon ham kelib, eshik kesakisiga suyangancha, gaplariga quloq solib turgan ekan. — A. Muxtor, Kumush tola
2. Gavda ogʻirligining bir qismini biror narsaga tashlamoq; tayanmoq.
Egilgan tayoqqa suyanma, seni ham egadi. — Maqol
Yaxshiboyev oʻtirgan xarragidan turdi. Qoʻlidagi ajdarbosh hassasini yerga qoʻyib, sekin suyandi, yuragiga quloq tutdi. — M. M. Doʻst, Lolazor
Iskandar esa beixtiyor soʻri panjarasiga ogʻir suyanib chuqur tin oldi. — M. Mansurov, Yombi
3. koʻchma Madad olmoq, yordamiga tayanmoq, yordamiga tayanib ish tutmoq.
Xalqqa suyansang — boʻlasan, xalqdan chiqsang — soʻlasan. — Maqol
[Yaxshiboyev:] Qarigan chogʻingda odamning har biri gʻanimat: dardingni aytsang, chayqalgan chogʻing suyansang. — M. M. Doʻst, Lolazor
Togʻay kim — yolgʻizqoʻl bir yigit. Oʻlarmon otasi=yu puf desa, dovonga borib tushadigan qiltiriq ukasini demasa, boshqa suyanadigani yoʻq. — Yoshlik
4. Ishonmoq, tayanmoq; asoslanmoq.
Maqsud Soliyev oʻttiz yillik ishi davomida odamlarning turfa xilini koʻrdi. U, tajribasiga suyangan holda, bir narsaga amin boʻldi: jamiyat uchun jinoyatchidan koʻra loqayd odam xavfliroq! — Yoshlik
fl. Suyamoq feʼlining orttirma nisbati.
ot 1. Oʻrindiqlarning suyanish yoki tirsak tirab oʻtirish uchun xizmat qiladigan qismi.
Kreslo suyanchigʻi.
Ilhom-jon mashina eshigini ochib, oʻrindiq suyanchigʻini bir oz orqa surib qoʻydi. — N. Aminov, Qahqaha
devorga tirab qoʻyilgan, orqa suyanchigʻiga kaftdek oyna oʻrnatilgan eski divanda oʻqituvchi va tarbiyachilar zich oʻtirishibdi. — N. Aminov, Qahqaha
Uning koʻzi stul suyanchigʻiga ilingan kiteliga, shimiga tushdi. — S. Ahmad, Ufq
2. koʻchma ayn. Suyanch.
Oilaning suyanchi.
Musulmonqulning birinchi suyanchigʻi oʻzining odamlari boʻlsa, ikkinchisi —ulamolar edi. — A. Qodiriy, Oʻtgan kunlar
Avvalo, oʻz tinchingizni oʻylang, uka. U kishi sizga suyanchiq boʻloladimi, yoʻqmi — shuni oʻylang. — M. M. Doʻst, Lolazor
— Oʻzimning uliginam (oʻgʻilginam), suyanchiqqinam, — deb erkalardi baʼzan uni onasi — Saodat
fl. Suyamoq feʼlining birgalik nisbati.
fl. Suyanmoq feʼlining majhul nisbati.
fl. fiziol. Suyakka aylanish.
Suyaklanish jarayoni.
fl. Suyalmoq feʼlining birgalik nisbati.
fl. Suyalmoq feʼlining orttirma nisbati.
fl. Suyanmoq feʼlining birgalik nisbati.
fl. Suyanmoq feʼlining orttirma nisbati.
fl. Suyatmoq feʼlining orttirma nisbati.
