Поиск

ot ayn. Soddalik 2, 3.

sft. 1. Tuzilishi, tarkibi jihatidan murakkab boʻlmagan, oddiy.

Sodda mexanizm. Kimyoviy sodda moddalar.

2. Yechilishi oson, yengil, joʻn.

Sodda masala.

Teshaboyning hisobi sodda: birga — oʻn! — M. Ismoiliy, Fargʻona tong otguncha

3. Tushunilishi oson, ravon.

Maqola ommabop, ravon va sodda tilda yozilgan edi. — F. Musajonov, Hikmat

Marshal aslida soʻz qidirmasdan, sodda va aniq iboralar bilan gapirsa-da, bu soʻzlarni ohista talaffuz etardi. — Gazetadan

4. Ortiqcha bezagi yoʻq, juda ham oddiy.

Sodda uy.

Soddagina chodirda yolgʻiz yashagan Navoiy dilgir, sertashvish edi. — Oybek, Navoiy

[Kumush] shu soddagina yasanishdan soʻng ikkinchi tokchada tirogʻlik turgan koʻzgu yoniga bordi. — A. Qodiriy, Oʻtgan kunlar

5. Ortiqcha takalluf yoki quvlik-shumlikni bilmaydigan; oddiy, kamtar, soddadil.

Sodda odam.

Sherali bu sodda, samimiy qizning bolalarcha xatti-harakatini koʻrib, taajjublandi. — S. Karomatov, Oltin qum

Sodda xotin erining kuyib-pishib aytgan bu gaplariga astoydil ishondi. Sirni birovga aytmaslikka vaʼda berdi. — S. Ahmad, Saylanma

Noyib kuldi: — Soddasan, Akbarali! Podsholik hamma vaqt yurtning obroʻli odamlarini himoya qiladi. Obroʻ davlat bilan topiladi, muni bilasan. — Choʻlpon, Kecha va kunduz

6. Goʻl, laqma.

Sodda siri — tilida, pismiq saqlar dilida. — Maqol

Men sodda shuning gapiga ishonib oʻtiribman. — A. Qahhor, Qoʻshchinor chiroqlari

7. Soddalarcha qilingan, yuzaki.

Elmurod Tojiboyning sodda va begʻubor mulohazasidan zavqlanib kuldi. — P. Tursun, Oʻqituvchi

sft. 1. Quvlik-shumlikni bilmaydigan, koʻngli ochiq, sofdil.

Soddadil yigit.

Bu soddadil cholning kuyib-pishib otini maqtashidan atrofdagilar ham zavqlanib kulishdi. — Mirmuhsin, Meʼmor

2. Sodda, goʻl.

Qovun sayil mavsumi va koʻklam choqlarida bir talay soddadil va nodon odamlar qoʻy, qoʻchqor va buzoq yetaklab, shayxlarga nazir qilardi. — M. Muhammadjonov, Turmush urinishlari

ot 1. Ishonuvchanlik, har bir narsani toʻgʻri qabul qilishlik.

Soddalik qurib ketsin, Xolmatov, deganlarida ham xayolimga hech narsa kelmabdi. — O. Yoqubov, Izlayman

2. Goʻl yoki soddadil kishilarga xos ish, xatti-harakat.

Soddalik qilmoq.

Temir-jon soddalik qilib, Gʻoyibjonning gapiga chippa-chin ishonardi. — J. Abdullaxonov, Oriyat

— Otini soʻramadingizmi? — Uni qarang-a, bu ham soddalik-da, soʻramabman. — Oydin, Suhbati jonon

ризоид

ot 1. Quvlik-shumlikni bilmaslik; sofdillik; goʻllik, laqmalik.

Shoʻxlik va quvnoqlik, samimiylik va soddadillik bolalarga xos xususiyatlardir. — Gazetadan

Soddadillik qilib, firib yedi-yu, qahramonlik qilib, oʻzini oqladi. — N. Safarov, Jangchi shoir

2. Soddadil kishilarga xos ish, xatti-harakat.

Haydarning soddadillik bilan hech narsani yashirmay ochiq aytishi, hatto amakisining chizgan chizigʻidan chiqmasligini tan olaverishi uning oqkoʻngil odamligini bildiradi. — E. Usmonov, Yolqin

fl. 1. Tuzilishi, tarkibi jihatidan sodda holga kelmoq, soddaroq boʻlmoq.

Tenglama soddalashdi (mat.)

Libosning kundalik qismi boʻlgan bezaklar bichimi soddalashdi. — Gazetadan

2. Muomala, yurish-turish jihatidan oddiylashmoq, oddiyroq, soddaroq boʻlib qolmoq.

fl. Soddalashmoq feʼlining orttirma nisbati.

fl. Soddalashtirmoq feʼlining majhul nisbati.

faqat feʼllarning tugallangan vid formasidan yasaladi va shaklan feʼllarning hozirgi zamon tugallanmagan vid formalariga mos keladi: я отнесу, принесу, прочитаю va h. k. (qiyosla: я несу, читаю).