Hayot Foundation loyihasi
Loyiha haqida
Oʻz
Oʻz

Qidiruv

«sada» boʻyicha 18 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Inglizcha Qoraqalpoqcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha Forscha

← Barcha natijalar

Lugʻat maqolalari

18 ta
sada
Izohli lugʻat · yana 4 ta lugʻatda

ot bot. Emanlar oilasiga mansub sershox, sersoya daraxt.

Sada soya berar, tol xoda berar. — Maqol

Toʻla xola sadaning gʻadir-budur poʻstlogʻini behol barmoqlari bilan silab, yuziga surtdi. — I. Rahim, Ixlos

Tosh ustida koʻkargan sada Boshim uzra boʻlur soyabon. — B. Boyqobilov

Toʻliq maqola →
sadaf
Izohli lugʻat · yana 5 ta lugʻatda

ot 1. Ayrim mollyuskalar chigʻanogʻidan olinadigan oq, yaltiroq dur.

Sadafsiz dur boʻlmas, Tikansiz gul boʻlmas. — Maqol

2. sft. Sadafdan yasalgan, tayyorlangan.

Zebixon Adolatga misr ipidan tikilgan toʻn bilan oldiga sadaf tugmalar qadalgan nimchani uzatdi. — S. Zunnunova, Hikoyalar

3. sft. koʻchma Sadafdek oppoq, yaltiroq.

Gulsum ham boshini koʻtardi va sadaf tishlarini koʻrsatib, iljayib qoʻydi — P. Tursun, Oʻqituvchi

Yuksakdan kelasiz, ey togʻ suvlari, Sadaf choʻqqilarning yuzini yuvib. — Gʻayratiy

Toʻliq maqola →
sadaqa
Izohli lugʻat · yana 7 ta lugʻatda

ot 1. Tilanchiga, muhtojlarga beriladigan xayr-ehson.

Shoqosim past, ayanchli ovoz

bilan bir nimalar soʻzlab, oʻtkinchilardan sadaqa soʻraydi. — Oybek, Tanlangan asarlar

Eshikdan kirib kelgan tilanchi sadaqa soʻradi. — Mushtum

2. Xudo yoʻliga, aziz-avliyolarga ulardan najot istab qilinadigan ehson; qurbonlik.

Adolatga qizamiq chiqqanda, er-xotin uch kungacha kiprik qoqmasdan uning tepasida oʻtirishdi, qoʻllariga ilingan har bir narsani uning boshidan aylantirib, sadaqa qilib yuborishaverdi. S. — Zunnunova, Gulxan

3. Oluvchi nazarida sadaqa boʻlib tuyuladigan xayr-ehson, pul.

Xotiningiz sizni allaqachon unutibdi, sadaqalaringizga muhtoj emas ekan, deb ayting. — S. Ahmad, Kadr-don dalalar

Oʻtgan kuni pul yuborgan edim, olmabdi. Menga sadaqa kerak emas, sudga berib, qonuniy aliment olaman, degan emish. — A. Qahhor, Ogʻriq tishlar

  • Bosh-koʻzidan sadaqa Sarf qilingan pul, yoʻqotilgan yoki birovga berilgan narsa, mol-dunyoga achinmaslikni bildiruvchi ibora. Puliga tirnoqcha ham kuymasdi, bolalarimning bosh-koʻzidan sadaqa, derdi — R. Fayziy, Hazrati inson
  • Jonim sadaqa (boʻlsin) Birovga cheksiz hurmat-ehtiromni ifoda-lovchi, siz uchun jonimni ham berishga tayyorman mazmunida aytiladigan ibora. Xush kelibsiz, bosh ustiga, sultonim, Sizdan sadaqadir bir shirin jonim! — Shirin bilan Shakar
  • Sadaqa(si) boʻlmoq Kimsaning qur-boni boʻlmoq; kimsa yoki narsaga jon fido qilmoq; aylanmoq, oʻrgilmoq. Dono odamga sadaqa boʻlsang arziydi. — Oybek, Tanlangan asarlar
  • Sadaqayi odam ket Anzirat xola Sidiqjonga Voy, sadaqayi odam keting, nahot kishi shunday xotinini, shunday bolani qoʻyib, bu yoqlarda yursa! deganidan keyin chehrasi ochildi. — A. Qah\or, Qoʻshchinor chiroqlari
  • Sadaqasi ketmoq Tushungan odamning sadaqasi ketsang arziydi. — S. Ahmad, Qadrdon dalalar
Toʻliq maqola →
sadarayhon
Izohli lugʻat · yana 1 ta lugʻatda

ot Shox-shabba qismi shar shaklida toʻp boʻlib oʻsadigan rayhon.

U kishi rayhonni, ayniqsa Namangan sadarayhonini juda xush koʻrardi. — Guldasta

Koʻzachada sadarayhon-u jambillar toʻrt tarafga hid taratib turibdi. — S. Siyoyev, Yorugʻlik

Toʻliq maqola →