Hayot Foundation loyihasi
Loyiha haqida
Oʻz
Oʻz

Qidiruv

«rahm» boʻyicha 33 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Nemischa Arabcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

33 ta · 1-sahifa / 2
rahm
Izohli lugʻat · yana 6 ta lugʻatda

ot Ayanch yoki mushkul ahvoldagi kimsaga, narsaga nisbatan achinish tuygʻusi va shunday tuygʻu taʼsirida koʻrsatilgan shafqat, marhamat.

Sizni ogʻzi qon boʻri dedim, chunki sizda rahm yoʻq. — A. Qodiriy, Oʻtgan kunlar

Bir kun undan qit-tay rahm tilagan ayollarimizni qoʻndoq bilan savab baqirdi. — Oybek, Quyosh qoraymas

  • Rahm qilmoq 1. Shafqat qilmoq, marhamat qilmoq. [Oyisha begim Boburga:] Samarqand sizga jangsiz darvoza ochmas, endi oʻzingizga rahm qiling. Urushga bormang, oʻtinaman! — P. Qodirov, Yulduzli tunlarSizda odamiyat boʻlsa, bu gʻaribi notavonga rahm qilmaganingizda ham, anovi shoʻrlik bolalarning zoriga rahm qilishingiz kerak edi. — M. Ismoiliy, Fargʻona tong otgunchaBirov zulm qilsa, birov rahm qilar ekan, birov osh bersa, birov non berar ekan. — Oydin, Sadagʻang boʻlay, komandir
  • Rahmi kelmoq Achinish hissi paydo boʻlmoq, achinmoq; ayamoq; yordam bergisi kelmoq. Yalang boshidan kon oqayotgan, yirtilgan koʻylagi orasidan momataloq badani koʻrinib turgan, oʻzi choʻkka tushib, odamlardan shafqat soʻrayotgan yigirma yoshlardagi yigitga Tohirning rahmi keldi. — P. Qodirov, Yulduzli tunlarXotin kishining kuz yoshi shirin boʻladi. Yodgorning rahmi keldi. Xotinini ovutdi. — Oʻ. Hoshimov, Qalbingga quloq sol
  • Rahmini keltirmoq Kimsada achinish, ayash hissini tugʻdirmoq, paydo qilmoq. Bashirjon odamning rahmini keltirar darajada yupun, odmigina kiyinib, Shamsi Toʻrayevichnikiga yoʻl oldi. — N. Aminov, Suvarak
Toʻliq maqola →
rahmat
Izohli lugʻat · yana 8 ta lugʻatda

ot 1. Tashakkur va minnatdorchilikni ifodalovchi soʻz.

Katta rahmat! Otangga rahmat!

— Rahmat!— Muqaddam unga mehr bilan tikilib qolganini payqab, darrov koʻzlarini yashirdi. — Oʻ. Hoshimov, Qalbingga quloq sol

2. Tashakkur, minnatdorchilik, shukronalik.

Kim yaxshilik urugʻini sepsa, rahmat hosilini oladi. — Gazetadan

[Oyimxon] Madaminning xotinlarining hovlisini supurib, suvini tashib bergan, ammo rahmat oʻrniga qargʻish va jerkish eshitgan. — P. Tursun, Oʻqituvchi

3. din. Marhamat, muruvvat.

[Hidoyat oʻz-oʻziga:] Xudoyo, rahmatingdan oʻrgilay, oshxoʻrga — osh, nonxoʻrga non yetkizursan. — Hamza, May-saraning ishi

  • Rahmat aytmoq Minnatdorchilik bildirmoq. Muborak Nabijonga rahmat aytib xayrlashdi-da, yosh boladay likillab, chopqillab ketdi. — S. Zunnunova, Koʻk chiroqlarU qayta-qayta rahmat aytib, meni mashinaga kuzatib qoʻydi. — S. Siyoyev, Yorugʻlik
  • Xudo rahmat qilsin (yoki rahmatiga olsin) Xudo oʻz marhamatiga sazovor qilsin (vafot etgan kishi haqida). Xudo rahmat qilsin. Oʻzi ham xatini olib, muhrga qarab qolgan ekan-da bechora. Hay, nachora, bandalik ekan — deb qoʻydi. — K. Yashin, Hamza
Toʻliq maqola →
rahmdil
Izohli lugʻat · yana 5 ta lugʻatda

sft. Birovga ozor bermaydigan; koʻngli yumshoq, rahmli, shafqatli.

Rahmdil odam,

Ilgari odamlar ancha sodda, rahmdil, moʻmin ekanini, ayniqsa, oʻzining tengdoshlari quvlik — shumliklardan uzoq, insofli, farishtasi bor odamlar ekanini dilidan oʻtkazdi. — Mirmuhsin, Meʼmor

Hozir koʻzimga Sulton amaki har vaqtdagidan koʻra gʻamxoʻr, rahmdil koʻrinib ketdi. — H. Nazir, Yonar daryo

Zohir shayx, ogʻasidek ruhoniy boʻlgani bilan, ogʻasi kabi arzimagan narsaga lovullab ketadigan tajang, jahldor emas, koʻngilchan, rahmdil kishi edi. — S. Siyoyev, Yorugʻlik

Toʻliq maqola →
rahmsiz
Izohli lugʻat · yana 5 ta lugʻatda

sft. 1. Rahm-shafqatni bilmaydigan; berahm, shafqatsiz.

Rahmsiz odam. Rahmsiz suratda ishlatmoq.

Shuning uchun mehnatkashni rahmsiz ishlatib, madrasalar bino qilmoqda, ariqlar chiqarmoqda edi. — A. Qodiriy, Mehrobdan chayon

Oh Olimjon, ayaginang oʻlsin! Rahmsiz otang oʻlsin. Nima qildi? Ayt-chi kim urdi? — Hamza, Tanlangan asarlar

2. koʻchma Shafqatsizlikni ifodalaydigan, ayamasdan, berahmlarcha qilingan.

Xushroʻyning rahmsiz muhokamasidan oqqan bu haqiqatlar Zaynabni yigʻlatdi. — A. Qodiriy, Oʻtgan kunlar

Qaynataning qarashlari rahm-siz va beayov edi. — Sh. Rashidov, Qudratli toʻlqin

Toʻliq maqola →
rahmatli
Izohli lugʻat · yana 4 ta lugʻatda

sft. din. Xudoning rahmatiga loyiq, moʻmin (vafot etgan kishi haqida).

Onasi rahmatli mungli, qobil xotin edi. — S. Ahmad, Ufq

Voajab! Bu qadrdon goʻshaning hamisha fayzliligi rahmatli choli Toji Davlat bilan ekan. — Yoshlik

Toʻliq maqola →
rahmdillik
Izohli lugʻat · yana 2 ta lugʻatda

ot Birovga ozor bermaslik, koʻngli yumshoqlik; shafqatlilik.

Tengdosh doʻstlarimdan biri ocherk yozish yoshlarning ishi, jurnalistlarning ishi, deb menga rahmdillik qiladi. — N. Safarov, Olovli izlar

Bu nigohda hamdardlikkayam, rahmdillikkayam oʻxshab ketuvchi hazin bir ifoda yalligʻlanib turardi. — A. Obidjon, Akang qaragʻay Gulmat

Toʻliq maqola →
rahmsizlik
Izohli lugʻat · yana 2 ta lugʻatda

ot Rahm-shafqatni bilmaslik, berahmlik.

Bolalarni shaddodlikka oʻrgatmangiz, Rahmsizlik, bedodlikka oʻrgatmangiz, To ulgʻayib, duch kelganda insonlarga, Oʻxshamasin andishasiz shaytonlarga. — E. Vohidov, Muhabbatnoma

Toʻliq maqola →
rahm-shafqat
Izohli lugʻat · yana 3 ta lugʻatda

ot Kimsaga yoki narsaga koʻrsatilgan mehribonchilik va marhamat.

Rahm-shafqat boʻlmas shoirga, Zaʼfar dunyo bosar izidan. — R. Parfi, Koʻzlar

Eʼzozxon Ziyodillaning koʻzlariga qaraydi, ularda rahm-shafqatdan asar ham yoʻq. — H. Gʻulom, Mashʼal

Odamlarda rahm-shafqat tugab ketgan. — X. Toʻxtaboyev, Shirin qovunlar mamlakati

Toʻliq maqola →