Hayot Foundation loyihasi
Loyiha haqida
Oʻz
Oʻz

Qidiruv

«qoʻltiqqa» boʻyicha 8 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima
Tildan
Oʻzbekcha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Turkcha

← Barcha natijalar

Lugʻat maqolalari

8 ta
qoʻltiq
Izohli lugʻat · yana 5 ta lugʻatda

ot 1. Qoʻlning yelka bilan tutashgan yerida hosil boʻlgan burchak, qoʻl osti.

Qoʻltigʻi terlaydigan odam.

Bir qoʻltiqqa ikki tarvuz sigʻmas. — Maqol

Qiz sumkasini qoʻltigʻiga suqib, ichkaridan chiqdi. — S. Ahmad, Moʻtti

U dalani aylanganda, qoʻltigʻidan eski sariq charm papkasini qoʻymasdi. — H. Nazir, Soʻnmas chaqmoqlar

Keyin oʻgʻlining qoʻltigʻidan olib, bir chetga tortdi: — Bular bilan teng boʻlmang, oʻgʻlim. — M. Ismoiliy, Fargʻona tong otguncha

Men darrov qoʻltigʻidan koʻtarib, ustidagi chang-toʻzonlarni qoqqan boʻldim. — Oydin, Bolalik uyda gʻiybat yoʻq

2. Kiyimning shu joyga toʻgʻri keladigan, shu joyni berkitib turadigan qismi.

Koʻylakning qoʻltigʻi. Paltoning qoʻltigʻi. Toʻnning qoʻltigʻi soʻkilibdi.

  • Qoʻltigʻiga kirmoq 1. Qoʻllab-quvvatlamoq, yordam bermoq. Kasal boʻlib qolsam, nima boʻladi? Qoʻltigʻimga kim kiradi? Akam boʻlmasa, ukam boʻlmasa. — A. Qahhor, Qoʻshchinor chiroqlari[Olaxoʻja:] Endi, bu bilan hazil qilma, kattarogʻini aka de, qoʻltigʻiga kir, kichikrogʻini uka de, deb oʻrgatadigan boʻldi. — P. Tursun, Oʻqituvchi
  • Qoʻltigʻiga suv purkamoq Birovga qarshi oyoqlantirmoq, gijgijlamoq. Eshonning xotinini kimdir tezlayapti, kimlardir qoʻltigʻiga suv purkayapti. — S. Ahmad, Hukm
  • Qoʻltigʻidan koʻtarmoq (yoki suyamoq) Qoʻllab-quvvatlamoq, yordam bermoq. Tagʻin men, Boboqulning oʻgʻli, qoʻltigʻidan suyaydigan azamat boʻlib qolibdi, deb quvonib yuribman-a! — S. Anorboyev, Oqsoy
  • Tarvuzi qultigʻidan tushmoq
Toʻliq maqola →
qoʻltiqlamoq
Izohli lugʻat · yana 5 ta lugʻatda

fl. 1. Qoʻltigʻiga qisib tutmoq, qoʻltigʻiga joylab koʻtarmoq, qoʻltiqqa urmoq.

Rohila plakatlarni qoʻltiqlab, sekin nari ketdi. — S. Zunnunova, Gulxan

Bozorov tugunchasini qoʻltiqlab, tebranib, mashinaga intildi. — I. Rahim, Chin muhabbat

2. Birga yurish yoki suyab yordam berish maqsadida birovning qoʻltigʻidan, yuqori bilagidan tutmoq.

Fotima bilan Sora rus tilidan taʼlim bergan Antonina Anatolyevnani ikki tomondan qoʻltiqlab, eng oldinda, jadal boradilar. — P. Tursun, Oʻqituvchi

[Yoʻlchi] Chiroyli saman otning jilovini tutib, egasini qoʻltiqlab, yerga tushirdi. — Oybek, Tanlangan asarlar

Ota-bola uni qoʻltiqlab koʻtardilar. — A. Muxtor, Qoraqalpoq qissasi

3. koʻchma Moddiy yoki maʼnaviy yordam bermoq, koʻmaklashmoq, qoʻllab-quvvatlamoq.

  • Oʻpkasini qoʻltiqlamoq
Toʻliq maqola →
qoʻltiqtayoq
Izohli lugʻat · yana 5 ta lugʻatda

ot 1. Oyogʻi xasta yoki nogiron kishilar qoʻltigʻiga tirab, tayanib yuradigan, yuqori qismi qoʻltiqqa qoʻyish uchun moslangan maxsus hassa.

Qoʻltiqtayoq bilan yurmoq.

Ikromjon sudralib borib, qoʻltiqtayogʻini oldi-da, chayqala-chayqala oldinga ketaverdi. — S. Ahmad, Ufq

2. koʻchma Suyanchiq, tayanchiq; himoyachi.

Birovga qoʻltiqtayoq boʻlmoq.

Toʻliq maqola →
qoʻltiqbardor

ot 1. kam qoʻll. Nogiron, betob yoki shikast topgan kishini qoʻltiqlab, suyab olgan kishi.

2. koʻchma Yordamchi, qoʻllab-quvvatlovchi odam.

Bu kishining qoʻltiqbardorlari bir qishloqi mullavachcha edi. — M. Muhammadjonov, Turmush urinishlari

Toʻliq maqola →
qoʻltiqlatmoq
  • Qoʻltiqlamoq 1, 2 feʼlining orttirma nisbati. Hudaychi bir yigitga toʻn qoʻltiqlatib mudofelar yoniga chiqdi. — A. Qodiriy, Oʻtgan kunlarMenga choʻtni qoʻltiqlatib oldilar, orqalaridan ergashib yurdim. — Gʻ. Gʻulom, Shum bola
Toʻliq maqola →