Hayot Foundation лойиҳаси
Лойиҳа ҳақида
Ўз
Ўз

Қидирув

«қаймоқли» бўйича 7 та натижа

Филтр
Бўлим
Луғатлар Шевалар
Луғат тури
Изоҳли Таржима
Тилдан
Ўзбекча Русча Инглизча
Тилга
Ўзбекча Русча Инглизча Қорақалпоқча Немисча Туркча

← Барча натижалар

Луғат мақолалари

7 та
қаймоқ
Изоҳли луғат · яна 5 та луғатда

фл. 1. Бир неча вақт турган, сақланган сут бетида пайдо бўладиган ёки сутдан сепаратор ёрдамида ёки бошқа ёʻл билан ажратиб олинган қуюқ, ёғли маҳсулот.

Қуюқ қаймоқ. Яхши сутнинг қаймоғи сермой бўлади.

Сутдан қаймоқ, қатиқ, сариёғ тайёрланади. — К. Маҳмудов, Ўзбек тансиқ таомлари

2. кўчма Киши ёки нарсаларнинг энг яхши қисми, сараси, асиллари.

Йигитларнинг қаймоғи фронтда Лекин иш сустлашгани ёʻқ. — С. Зуннунова, Олов

— Жуда соз, —

қичқирди Ўсаржон. — Сўзнинг қаймоғи — танқид! — Ойбек, Олтин водийдан шабадалар

3. кўчма Бирор иш, нарса ва шу кабиларнинг натижаси, ҳосили, хулласи.

Ернинг қаймоғи — меҳнат қилганники. — Ойбек, Олтин водийдан шабадалар

4. с. т. Сув бетига ялпоқ тош ёки бошқа нарсани отганда, унинг бир неча бор сув бетига тегиши, шу тегишдан ҳосил бўладиган ҳолат.

Нодир билан Музаффар пастроқда ким кўп қаймоқ қилиш ўйнашарди. Нодир яссироқ тош олиб, сув оқимига қарата отар, тош эса сув юзида сакрай-сакрай, беш-олти қаймоқ ҳосил қиларди. — Ж. Абдуллахонов, Тўфон

  • Қаймоқ боғламоқ 1. Бетида қаймоқ қатлами ҳосил бўлмоқ; Сув қаймоқ боғлабди (яъни юпқа муз билан қопланибди). Мураббо қотиб, қаймоқ боғлабди.
  • Қаймоқ чой Қаймоқ солинган чой, қаймоқли чой. Шодимат асалга аралаштирган сариёққа нонни ботириб, қаймоқ чой билан роса туширди. — А. Муҳиддин, Ошналар
  • Қаймоқдек ёқди Жуда маъқул тушди, жуда ёқди. Унинг бу сўзлари менга қаймоқдек ёқди.
  • Қаймоғини олмоқ 1. Сутнинг қаймоғини ажратмоқ; Бир йиллик меҳнатимизнинг қаймоғини оладиган вақт келди.
Тўлиқ мақола →
қаймоқдон

от Қаймоқ солинган, солинадиган идиш.

Беш тийинга ярим қаймоқдон қаймоқ, икки тийинга битта обинон олиб, бир чеккага чўнқайиб, қаймоқ ея бошладим. — Ғ. Ғулом, Шум бола

Тўлиқ мақола →
қаймоқланмоқ
Изоҳли луғат · яна 1 та луғатда

фл. 1. Қаймоқ боғламоқ (сут ҳақида).

2. кам қўлл. Қаймоқ тегиб мойланмоқ.

  • Лаби (ёки оғзи) қаймоқланди Лабига қаймоқ тегди; қаймоқ еди. Бойвуччанинг қизил лаби қаймоқлансин деб, Илк саҳардан оқшомгача пода боқасан. — Ғ. Ғулом
Тўлиқ мақола →
қаймоқхўрлик

от Мириқиб, тўйиб қаймоқ ейиш, қаймоққа тўйиш.

Қаймоқхўрлик қилмоқ.

— Бахтимизга бобо фермада эканлар, юр, қаймоқхўрлик қиладиган бўлдик, — дедим Муродга. — А. Мираҳмедов, Кулган чечаклар

Тўлиқ мақола →
қаймоқлашмоқ
Изоҳли луғат · яна 1 та луғатда

фл. 1. с. т. Қуюқ суҳбатлашмоқ, гурунглашмоқ, қуюқ суҳбат билан вақт ўтказмоқ.

Муроджоннинг буваси у билан қаймоқлашгани-қаймоқлашган. — Н. Мақсудий, Умидли бола

Икки дўст то пешингача қаймоқлашиб ўтирдилар. — С. Сиёев, Аваз

Ўзи бир жонон билан қаймоқлашиб турарди. — Э. Аъзам, Кечикаётган одам

2. кўчма Қуюқлашмоқ; кучаймоқ; кўнгилли, ёқимли тус олмоқ.

Ўртада гап қаймоқлашиб, Иброҳимхўжанинг тузоғига Муҳаббатхон, Муҳаббатнинг тузоғига Иброҳимхўжа илинган экан. — Муштум

Тоштемирнинг Иван ака билан дўстлиги тағин ҳам қаймоқлашди. — Ҳ. Ғулом, Сенга интиламан

Тўлиқ мақола →