Qidiruv

ot 1. Koʻngil ochish, dam olish, tarbiyalash maqsadida qilinadigan erkin harakat yoki mashgʻulot.

Bolalar oʻyini.

Koʻcha tutash balchiq boʻlganidan bolalarning oʻyini tugul, yurishiga ham imkon yoʻq edi. — Oybek, Tanlangan asarlar

keng maydonda shovqin-suronli qish oʻyinlari: baland tepadan sirpanishlar, dumalashlar, chenalarda uchishlar — Oybek, Tanlangan asarlar

2. Boshqalar bilan musobaqa qilish uchun maʼlum qoidalar asosida oʻtkaziladigan mashgʻulot.

Futbol oʻyini. Shaxmat oʻyini. Estafeta oʻyinida qizlar komandasi yutib chiqdi.

Jon-dilim futbol emasmi, qizni ham unutib, butun xayolim oʻyinda boʻlib qoldi. — Gazetadan

3. Oʻrtaga pul yoki narsa tikib oʻtkaziladigan mashgʻulot; qimor.

Otam oʻyin qizigʻida yutqazishga yutqazib qoʻyib, keyin oʻzini urdi, peshonasini yordi, yigʻladi. — M. Ismoiliy, Fargʻona tong otguncha

4. Ritmik harakatlar va mimikalar uygʻunligidan iborat sanʼat; raqs.

Oyoq oʻyini. Shoʻx oʻyin. Kavkazcha oʻyin.

Oʻyin ham bir turli nazokat kasb etib, Gulsunbibi yoʻrgʻalay ketdi. — A. Qodiriy, Oʻtgan kunlar

5. koʻchma Parvoz vaqtida shox urib (tash-lab) qilinadigan yengil, yoqimli harakat.

Kabutar oʻyini.

6. s. t. Spektakl, konsert, sirk tomoshasi va shu kabilar

Bular teatrning oldiga kelganlarida, oʻyin boshlanishiga uchinchi qoʻngʻiroq ham berilgan edi. — Oydin, Fonar tagida

7. koʻchma Betartib, biroq oʻziga xos jozibali harakat (hayvon va narsalar haqi-da).

Shabada oʻyini.

Gʻazab bilan hayqirib boʻron, Balki qilar ming turli oʻyin. — Gʻayratiy

Baliqlarning bunday oʻyinini endi koʻrib turgani!\. — Nazir, Soʻnmas chaqmoqlar

8. koʻchma Ermak tarzidagi harakat, qiliq va shu kabilar

Achchiq oʻyin shirin turmushni buzar. — Maqol

Har holda, taqdirning bunchalik oʻyinlari turgan bir zamonda biz nima ham qila olar edik. — A. Qodiriy, Oʻtgan kunlar

U muhabbatni oʻyin deb hisoblaydi. — S. Karomatov, Oltin qum

Xat senga oʻyin boʻlib qoldimi?! — H. Nazir, Soʻnmas chaqmoqlar

9. s. t. Unchalik qiyin, mushkul boʻlmagan ish haqida.

Qizniki — qiyin bilan, oʻgʻilniki oʻyin bilan bitar. — Maqol

10. s. t. Suyuqoyoq, buzuq ayol haqida.

oʻyinlar nazariyasiтеория игр.

ot s. T. Biror koʻngil ochish mashgʻulotiga, oʻyinga qattiq beriluvchi; oʻyinchi.

Bir yoqda qizlar, satta terilgan sarvinozlar, yasangan tannozlar, hadsiz oʻyinbozlar. — Folklor

ot 1. Oʻyinga tushuvchi, oʻynayotgan, yaxshi oʻynaydigan.

Oʻyinchi yigit chetga chiqishi bilan kipriklariga surma qoʻygan yoʻgʻon bir juvon oʻrtaga chiqib, yoʻrgʻalay boshladi. — P. Tursun, Oʻqituvchi

Yoshgina boʻlsa ham, shoʻx, oʻyinchi qiz ekan-da. — A. Muxtor, Boʻronlarda bordek halovat

2. Raqsga tushuvchi shaxs; raqqos yoki raqqosa.

Shoʻx yigitlar oʻyinchiga xushomad qilar, qiyqirishar edi. — P. Tursun, Oʻqituvchi

Majlisning shoirlari, oʻyinchilari, childirmachi va dutorchilari — barchasi ham ho-zir boʻlib, Kumushbibigina hammomdan qaytmagan edi. — A. Qodiriy, Oʻtgan kunlar

Yusufjon aka Fargʻona vodiysining eng oʻtkir oʻyinchi ustozlaridan koʻp raqslarni oʻrgangan edi. — T. Obidov, Yusufjon qiziq

3. koʻchma Yaxshi oʻynaydigan (

Yana qanday deng, eng oʻyinchi, serparvoz kaptarlarimdan ajraldim. — A. Qodiriy, Obid ket-mon

4. Futbol, shaxmat kabi oʻyinlarda ishtirok etuvchi; sport musobaqasidagi biror jamoa aʼzosi.

Paxtakor oʻyinchilari. Usta oʻyinchi. Oʻyinchilar hujumga oʻtishdi.

ot Oʻyinlar oʻynaladigan maydon; stadion.

ot 1. Bolalarning oʻynashi, ovunishi uchun xizmat qiladigan narsa yoki buyum.

Oʻyinchoq sotib olmoq. Oʻyinchoq mashina:

Buvasi unga dadasiga oʻxshab qoʻgʻirchoqlar, oʻyinchoqlar, har xil hayvonlarning rasmi solingan kitoblar olib kelib bermasdi. — S. Anorboyev, Oqsoy

Chiqarmang qurol, oqmasin qonlar. Kitob, oʻyinchoq bering bizlarga! — I. Muslim

2. koʻchma Birovning koʻngil ochish vositasi; ermak.

Tashlandiq bu qizingiz, qoʻlma-qoʻl yuruvchi bu oʻyinchoq qizingiz kim-u, sizdek bir mehribon onani qon yigʻlatgan kim? — A. Qodiriy, Oʻtgan kunlar

Kimlarning sof hayoti Qoʻlda oʻyinchoq. — Gʻayratiy

3. koʻchma Birovning xohshini soʻzsiz, koʻr-koʻrona bajaruvchi, itoatgoʻy; qoʻgʻirchoq.

Moʻgʻullar va ularning qoʻlida oʻyinchoq boʻlgan amir Burhoniddin tashvishga tushib, bu dahshatli xalq qoʻzgʻolonini bostirish harakatiga tushib qoldilar. — M. Osim, Mahmud Torobiy

ot esk. s. t. Biror oʻyin yoki tomosha koʻrsatiladigan joy (teatr, sirk, kino va shu kabilar).

sft. 1. Vaqtini doimo turli oʻyinlar bilan oʻtkazadigan, oʻyinga berilgan; shoʻx (bolalar haqida).

Kinoteatrning devorlari baland boʻlsa ham, oʻyinqaroq bolalarga aslo xalal bermasdi. — Sh. Rashidov, Boʻrondan kuchli

Quda boʻlmishimiz ostonamizni supurib, hol-jonimizga qoʻymayapti; uzatib, oʻyinqaroq qizi tushmagurdan tinchib qoʻya qolsakmikan, degan oʻyim bor. — A. Mirahmedov, Oʻt yuraklar

— Joʻra degan bola sal oʻyinqaroq chiqib qoldi, gʻoʻzaga suvni ham oʻsha toshirib yuborgan, — dedi Shokirov. — N. Nazarov, Zamon

2. Oʻyin-kulgi, shoʻxlik bilan oʻtadigan.

Botiralining bu oʻyinqaroq yillari uzoq choʻzilmadi. — S. Ahmad, Hukm

ot Koʻngil ochish yigʻini, bazm; xursandchilik.

Shu odamlar ham oʻyin-kulgini bilar, shu odamlarga ham oʻyin-kulgi yarashar ekan-ku! — A. Qahhor, Qoʻshchinor chiroqlari

Ammo Unsinning koʻngli oʻyin-kulgini koʻtarmas, shodlik unga begona edi. — Oybek, Tanlangan asarlar

ot Koʻngil ochish vositasi; ermak, oʻyinchoq.

Shabbodada oʻynoqlagan shoʻx pirpirakday, Unga oʻyin-mazax ekan bunda har nima. — Gʻ, Gʻulom

ot s. t. Biror oʻyinga oʻta berilish holati.

ot 1. Oʻyinning borishiga xalaqit beruvchi, uni buzishga urinuvchi.

Maktabda tanaffus paytlari shashka yoki voleybol oʻyinlarida gʻirromlar, oʻyinbuzuqilar ham boʻlardi. — Gazetadan

2. ayn. Ishbuzuqi.

Ahmadjon soʻrab oladigan narsalari bor edi-da: qay bola qanday ishlayapti, eng yaxshisi kim, oʻyinbuzuqisi kim — H. Nazir, Soʻnmas chaqmoqlar

ot ayn. Raqqoslik.

ot 1. Oʻyinqaroq boʻlish, oʻyinqaroq xislatga egalik.

dam olishni toʻgʻri tashkil qila bilmaslik ham yoshlarni oʻyinqaroqlikka sayoq yurishga olib boradi. — Shukrullo, Saylanma

2. Oʻyinqaroq ekanlik.

Uning oʻyinqaroqligini hamma biladi.

погов. доиграешься.

Axborot yetarli boʻlmagan sharoitda yechimlar qabul qilish nazariyasi. Nazariya atrof-muhitning va oʻzga odamlarning yoki ular oʻrnini bosadigan kompyuterlarning xatti-harakatlari bilan bogʻliq tahdidlar sharoitidagi shaxsiy yechimlarni tadqiq qiladi. Nazariya oʻz foydaliligini iqtisodiyot sohasiga oid turli holatlar tahlilida namoyon qiladi. Ikki qatnashchi oʻyinida, ularning har biri har xil maqsadlarga ega boʻlib, turlicha natijalar beruvchi yurishlar tanlash imkoniga ega. Oʻyinning optimal strategiyasi ayrim yurishlarni tanlashda, yutuq eng katta yoki magʻlubiyat eng kam boʻlishiga tegishli nisbiy vaznlarni koʻrsatadi.inglizchagame theoryruschaтеория игр