Hayot Foundation loyihasi
Loyiha haqida
Oʻz
Oʻz

Qidiruv

«oʻkra» boʻyicha 11 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha
Tilga
Oʻzbekcha Ruscha Inglizcha Qoraqalpoqcha Nemischa Arabcha Turkcha

← Barcha natijalar

Lugʻat maqolalari

11 ta
oʻkramoq
Izohli lugʻat · yana 1 ta lugʻatda

fl. ayn. Oʻkirmoq 1.

— Ey xudo, nima gunoh qildim men senga! — boshini stolga qoʻyib, oʻkrab yigʻlab yubordi Adolat. — S. Zunnunova, Gulxan

Marziya boʻsh stullarga tikilib oʻkrab yigʻlabdi. — A. Muxtor, Davr mening taqsirimda

Toʻliq maqola →
koʻkrak
Izohli lugʻat · yana 6 ta lugʻatda

ot 1. Tananing boʻyindan qoringacha boʻlgan old qismi; koʻks.

[Elmurod] Qizarguncha yuvindi, hoʻl sochiq bilan koʻkrak, boʻyin va yagʻrinlarini obdan ishqalab, qonini betga teptirdi. — Shuhrat, Shinelli yillar

Shahodat mufti qariyb butun koʻkragini yopgan bahaybat mosh-guruch soqolini qalam bilan taradi. — A. Qodiriy, Mehrobdan chayon

2. Ayollar koʻksidagi bir juft sut bezi, emizish aʼzosi; emchak.

Gulnorning boʻyi oʻsib, koʻkragi toʻlishib, butun gavdasi qizlik latofati bilan yashnagan chogʻda boyvachcha uni koʻz tagiga olib qoʻygan edi. — Oybek, Tanlangan asarlar

3. Kiyimning yuqori old qismi.

Koʻkrak choʻntak.

Uning egnidagi yakka bortli sheviot kostyum hali boʻyiga nisbatan ingichka boʻlgan qaddiga kenglik qiladi, koʻkragi bir oz xalta boʻlib, yoqasi koʻchib turibdi. — P. Qodirov, Uch ildiz

Havo isimagan boʻlsa ham, xomsemiz hokim, formasining koʻkrak tugmalarini yechib tashlab, yelpinishga tutindi. — M. Ismoilov, Fargʻona tong otguncha

4. koʻchma Yurak, dil.

Koʻzi soʻqirdan koʻkragi soʻqir yomon. — Maqol

Uygʻoq edim [bolani] ertaga olib ketar, har nima boʻlganda ham, koʻkragida onalik mehri bordir [dedi Sidiqjon]. — A. Qahhor, Qoʻshchinor chiroqlari

Gavharning yigʻi aralash boʻgʻiq ovozi Mahkamga oʻz koʻkragidan chiqayotganday boʻlardi. — P. Qodirov, Uch ildiz

  • Koʻkrak bermoq Emizmoq.
  • Koʻkragiga shamol tegdi
  • Koʻkragida yoli bor
  • Koʻkrak kermoq 1. Gʻurur, kibr bilan gavdani tik tutmoq; kekkaymoq. Oʻsha pul boʻlganda, Nusratilla Qulmatqoraning oldiga koʻkrak kerib kirib borardi. — A. Muxtor, Opa-singillarKoʻkrak kerib, postda turaman, Vatan yovi kul boʻlsin dogʻda. — Gazetadan.
  • Koʻkrak qafasi Odamlar, sutemizuvchi hayvonlar va parrandalarda koʻkrak umurtqalari bilan qovurgʻalarning toʻsh suyagi yordamida birikishidan hosil boʻlgan bir butun tuzilma.
Toʻliq maqola →
koʻkrakli

sft. 1. Koʻkrakka ega; koʻkragi bor.

Muhammadkarimni qaddi-qomati kelishgan, koʻrkam, keng koʻkrakli, yelkasiga tegirmon toshi qoʻysa boʻladigan yigit, deganlaricha bor edi. — M. Oʻrinxoʻjayev, Unutilmas kunlar

2. Ayn. koʻkrakdor 2, 3.

[Gulandom] Baland boʻyli, koʻkrakli, toʻla emas, lekin miqti, dirkillama tanga ega. — Oybek, Tanlangan asarlar

Toʻliq maqola →
koʻkrakdor
Izohli lugʻat · yana 1 ta lugʻatda

sft. 1. Koʻkragi keng, yagʻrindor.

Koʻkrakdor yigit.

2. Koʻkragi, emchagi boʻliq, katta.

Qiz oʻn yetti-oʻn sakkizga kirgan, oʻrta boʻyli koʻkrakdor, toʻlagina, loʻppigina qiz edi. — Oybek, Tanlangan asarlar

3. koʻchma. Baland va bahavo, keng.

— Chakki emas, — dedi koʻkrakdor, keng dalaga qarab Oʻktam. — Oybek, Oltin vodiydan shabadalar.

Toʻliq maqola →