от 1. иқт. Мақсадли пул фондларини ҳосил этиш, жамлаш, тақсимлаш ва ишлатиш юзасидан пайдо бўладиган иқтисодий муносабатлар мажмуи; пул маблағларини шакллантириш, тақсимлаш, уларни сарф қилиш, ишлатиш тизими.
Молия йили. Молия капитали. Молия тизими.
2. Бирор шахс, оила, жамоа, муассаса, ташкилот ёки давлат тасарруфидаги пул маблағлари.
Корхона молияси.
3. с. т. Шундай (молия 1) ишлар билан шуғулланувчи давлат органи.
Қишлоқ одамларининг айтишича, Исмоилов молиядан яширинча устахона очиб, ясаган буюмларини қиммат баҳога пуллар экан. — Газетадан
Кира қиляпсан, деб молияга ёзиб беришдан ҳам тоймайди булар. — С. Анорбоев, Оқсой