ot 1. Bir xil vazifaga moʻljallangan, bir butunlik, komplekt hosil qiladigan ikkita oʻxshash narsa, buyum.
Bir juft etik. Bir juft hoʻkiz.
Boboqul kuniga yarab turgan bir juft echkisi-yu kaftday keladigan yeridan ham ayrilib, butunlay xonavayron boʻlib qolibdi. — S. Anorboyev, Oqsoy
[Boy oʻz-oʻziga:] Bu kim boʻldi? Choʻrimi yoki bir ofatijon farishtami? Yuzlari xuddi olmaday tarang. Bir juft quralay koʻzi surma bosganday qora. — Hamza, Boy ila xizmatchi
2. Rafiq yoki rafiqa; er yoki xotin, nar yoki moda (bir-biriga nisbatan).
— Juftingni qanoting ostiga olib ucha ket, lochin! Bu yerda turma! — dedi-da, Qora Ahmad bir tomonga chekildi. — Oybek, Tanlangan asarlar
Hech kim qarigan chogʻida juftidan qolmasin. — A. Qahhor, Toʻyda aza
Keng osmon qaʼrida suzib yurgan kattagina bir qush oʻz juftini kutib, gir aylanadi. — J. Abdullaxonov, Oriyat
3. Doim birga boʻladigan, hamroh, yonma-yon.
Yoʻq, baxt ham, baxtsizlik ham juft boʻladi, deyishgani rost ekan. — Oʻ. Hoshimov, Qalbingga quloq sol
4. zid. Ikkiga qoldiqsiz boʻlinadigan (butun sonlar haqida); toq.
Juft sonlar. Juft nomerli uylar.
5. Ikki dona, ikkita.
Bir juft tuxum. Un juft danak.
6. kam qoʻll. ayn. Joʻra II.
U kishi keliningizga ikki juft atlas olib kelgan ekanlar. — A. Qahhor, Qoʻshchinor chiroqlari
- Juft boʻlsin Ijro etilgan musiqa, ashula, raqs maʼqul tushganda, yana boʻlsin degan maʼnodagi ibora. Ular egilib salom berib, joylariga qaytayotgan edi, qarsak yangrab, odamlar juft boʻlsin! deb qichqira boshladilar. — I. Rahim, Ixlos
- Juft kuchlar
- Juft soʻzlar
- Juft tushgan Xil tushgan, ikkovi bir xil (feʼli-atvori, yurish-turishi bir xil ikkita odam haqida).
- Jufti halol (yoki pok) Qonuniy er-xotin. Bunday odamga jufti halol boʻlish uchun har qanday qiz darhol rizolik berar, deb oʻylayman [dedi shayx]. — K. Yashin, Hamza
- Yulduzi juft tushgan Bir-biriga mos, bir-biriga yoqqan (ikki odam haqida).