Qidiruv

ot Odamgarchilik, muruvvat yuzasidan qilinadigan yaxshilik, yaxshi ish, yordam; insondagi shunday ishga boʻlgan tuygʻu, xislat, fazilat.

Elga xizmat — oliy himmat, deydi xalqimiz.

Xalqimizning bagʻri keng, himmati zoʻr. Ota-onasiz bolalarni oʻz bagʻriga oldi. — R. Fayziy, Sen yetim emassan

Usta mirishkorlar bilan qoʻlni qoʻlga berib, dalalarda javlon urayotgan shaharliklar va studentlar himmatiga balli. — Gazetadan

Elning gʻayratiga ham, himmatiga ham balli! Xuddi shu buyruqni kutib turganday, birvarakayiga ishga yopishib ketdi. — Oydin, Farhodlar

Kori xayr ishi davlatga qaramaydi, ogʻayni himmatga qaraydi, himmatga. — Mushtum

sft. Oʻzgalar manfaati yoʻlida yordamini, ish-mehnatini ayamaydigan, himmati zoʻr.

Himmatli kishi.

Yoʻlchi Pul bergan oʻrtoqlarini quchoqlab oʻpgisi keldi, ular shu topda dunyoda eng himmatli, eng qadrdon, eng mehribon odamlar boʻlib tuyuldi. — Oybek, Tanlangan asarlar

Qishloq xoʻjalik mashinasozligi zavodining himmatli yoshlari agregatlar ishlab chiqarishni hozirning oʻzidayoq qizitib yuborishgan. — Gazetadan

sft. Birovga yordam qilmaydigan, himmati yoʻq.

-Ha, uyaldim, lekin seni aldaganimdan emas, himmatsiz va qizgʻanchiq odamdan yordam soʻraganimdan uyaldim, — deydi chol. — Ertaklar.

ruschaчёрствость, скупостьinglizchameanness, greedinessfransuzchadureté, ensensibilitéarabchaعَدَمُ الْهِمَّةِ

Служить стране — высшая честь., Аналогия: Первое в жизни — честно служить отчизне.

Xalqning chin oʻgʻillari uchun xalqqa samimiy xizmatdan koʻra yuksakroq, muqaddasroq narsa yoʻq. Для истинных сынов народа нет более высокого и священного долга, чем служить беззаветно родине. (Айбек.) — Ойбек.

ot 1. ayn. Chachvon.

Oy yuzingqaro chimmat zulmidan qutultirgil. — Hamza

Zebi chimmatini yuzidan oldi. — Choʻlpon, Kecha va kunduz

Chimmatdagi bekaga koʻzi tushganlar bosh egib salom berishdi. — Mirmuhsin, Temur Malik

2. koʻchma Parda, toʻsiq.

Tunning qora chimmati jimirlab-jimirlab, yer betini qopladi. — I. Rahim, Taqdir

sft. ayn. Himmatli.

Yoʻldosh aka — aqli raso, bagʻayrat, bahimmat yigit, oʻz qardoshlari orasida kamol topmoqda. — N. Safarov, Olovli izlar

Himmati baland, saxovatli.YÜCE GÖNÜLLÜ, CÖMERT

sft. Himmati baland, kimsaga qimmatini, yaxshilikni ayamaydigan; saxovatli.

Oliyhimmat odam.

Sharif aka Nodirbek singari xorijda davolanishga muhtoj uch kishiga amaliy yordam berib, oʻzining saxovatpesha, oliyhimmat inson ekanligini yana bir bor isbotladi. — Gazetadan

ot Oliyhimmat boʻlish odati.