Hayot Foundation loyihasi
Loyiha haqida
Oʻz
Oʻz

Qidiruv

«hidi» boʻyicha 37 ta natija

Filtr
Boʻlim
Lugʻatlar Ertaklar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

37 ta · 1-sahifa / 2
hid
Izohli lugʻat · yana 5 ta lugʻatda

ot 1. Har bir narsa va moddaning kishilarning is bilish sezgilariga taʼsir etadigan xossasi; boʻy, is.

Hidi bor narsa. Yoqimli hid. Yoqimsiz hid. Kabob hidi. Handalak hidi. Zira hidi. Piyozdogʻ hidi. Har gulning hidi boshqa. — Maqol

Ota, manavi behilarni qarang, hidi olamni tutadi, biram pishibdiki! — M. Ismoiliy, Fargʻona tong otguncha.

Uyda tutun yoʻqolgan boʻlsa-da, achchiq hid darrov uning burniga urildi. — Oybek, Tanlangan asarlar

Tutab kuyayotgan ot eti va terisining qoʻlansa hididan uning koʻngli behuzur boʻlib, boshi aylandi. — H. Gʻulom, Mashʼal

2. koʻchma Biror narsa, hodisa yoki holatning belgisi, sharpasi.

Shoyad shu bilan Oynagulning ham hidi biron joydan chiqib qolsa. — A. Hakimov, Ilon izidan

Buning har bir varagʻidan shaxsiy gʻaraz hidi keladi. — A. Qahhor, Sarob

Janjalning hidini sezgan Sarvi xola gʻudranib, stol ustiga dasturxon yoza boshladi. — Mushtum

yuzida nur yogʻilib turibdi, soʻzlarida mehr-shafqatning hidi bor. — X. Toʻxtaboyev, Shirin qovunlar mamlakati

  • Gapidan latta hidi keladi Yoqimsiz, bemaʼni gapga nisbatan qoʻllanadi. Hodivoy, achchigʻing chiqmasin-qu, anchadan beri gapingdan latta hidi keladigan boʻlib qolgan. — S. Ahmad, Choʻl burguti
  • Hid olmoq Biror maʼlumot, belgi, sharpani sezmoq, undan xabardor boʻlish ilinjida yurmoq. Damba vaqtida ketib qolganlar ham atrofimizda aylanib, hid olib yurgan emish-ku. — A. Qahhor, Qoʻshchinor chiroqlari
  • Hidi chiqmoq Xabari tarqalmoq, oshkor boʻlmoq. qorovul cholni urib, yaxshi ish qilmadi. Imi-jimida boʻladigan ishning hidini chiqarib qoʻydi. Mirmuhsin, Meʼmor. Ehtiyot boʻlmasangiz, bularning ham hidi chiqib qoladi. — Mushtum
Toʻliq maqola →
hidi kelmoq

Бсиз ҚК ruschaпахнуть ТПinglizchato smell of smth.nemischaduften nach D

Kuzda daraxtlardan qatron (nima?) hidi keladi. Осенью деревья пахнут смолой (чем?).

In autumn the trees smell of resin (what ... of?).

Im Herbst duften die Bäume nach Harz (wonach?).

Toʻliq maqola →
HIDS inglizcha

Tizimli chaqiruvlarni, qoʻllanmalarning loglarini, fayllarning turlanishini (bajarilayotgan, parollar fayllarini, tizimli maʼlumotlar bazasini), xostning holatini va boshqa manbalar tahlilidan foydalanib suqilib kirishlarni kuzatib turadigan xostda joylashgan tizim.Host-based Intrusion Detection System

Toʻliq maqola →
hidli
Izohli lugʻat · yana 3 ta lugʻatda

sft. Hidi bor; isli.

Hidli gul. Yaxshi hidli sovun.

Atir hidli lolalar ila Bezangandir kelajak yoʻling. — Gʻayratiy

Xush hidli havodan oʻpka toʻldirib nafas olging keladi kishi. — A. Rahmat, Varrakchi chol

Toʻliq maqola →
hiddat

ot kam qoʻll. Keskinlik, tezlik, shiddat yoki gʻazab bilan ish tutish.

Nafrat va hiddat bilan toʻliq bu dadil ovoz hammani hayron qildi. — M. Ismoiliy, Fargʻona tong otguncha.

Toʻliq maqola →
hidoyat
Izohli lugʻat · yana 2 ta lugʻatda

ot 1. Foydali yoʻnalish, toʻgʻri yoʻl boshlash.

Hidoyat qilmoq.

Podani zalolatdan qutqazib, hidoyatga boshlamogʻi lozim! — A. Qodiriy, Obid ketmon

2. din. Xudo tomonidan belgilangan toʻgʻri yoʻl; haqiqiy eʼtiqod yoʻlidan yurish; zid. zalolat.

3. Hidoyat (erkaklar va xotin-qizlar ismi).

Toʻliq maqola →
hidlamoq
Izohli lugʻat · yana 6 ta lugʻatda

fl. Hidni burunga tortmoq; iskamoq.

Quyosh isi anqib turgan boychechaklarni toʻyib-toʻyib hidlagisi kelib ketdi. — Oʻ. Hoshimov, Qalbingga quloq sol

Anvar qizning yuzidan oʻpdi va uning toʻzgʻigan sochlarini toʻgʻrilab, hayotbaxsh kokillarining muattar boʻyini uzoq hidladi. — A. Qodiriy, Mehrobdan chayon

Otliq behilardan birining chang bosib yotgan tukini qoʻli bilan artdi, qalpoqli boshini engashtirib, uni hidladi. — M. Ismoiliy, Fargʻona tong otguncha.

Toʻliq maqola →