Hayot Foundation loyihasi
Loyiha haqida
Oʻz
Oʻz

Qidiruv

«gosh» boʻyicha 25 ta natija

Filtr
Boʻlim
Lugʻatlar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Qoraqalpoqcha Turkmancha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha

← Barcha natijalar

Lugʻat maqolalari

25 ta · 1-sahifa / 2
goʻsha
Izohli lugʻat · yana 4 ta lugʻatda

ot 1. Odamlar nazaridan uzoq yer, ovloq joy; burchak.

Ahmad Husayn bir kun, peshindan soʻng, Iskandaroni quyuq bir daraxtzor, tinch, sokin bir goʻshada kutib oʻtirdi. — Oybek, Nur qidirib

2. Turarjoy; boshpana.

U [Matqovul] otasidan qolgan toʻrt tanob yerda yigitlik terlarini toʻkib oʻziga kichik bir goʻsha qurmoqchi edi. — M. Ismoiliy, Fargʻona tong otguncha.

3. Umuman joy.

Jannat goʻshasimi bu soʻlim sohil, Koʻz uzib boʻlmaydi oy jamolidan? — Mirtemir

Toʻliq maqola →
goʻsht
Izohli lugʻat · yana 5 ta lugʻatda

ot 1. Tirik organizmning mushak toʻqimalari; et.

Tomirlarda qon qaynab, koʻzlarda oʻt chaqnardi, mushak goʻshtlari poʻlatday qotib ketgan edi. — Sh. Rashidov, Boʻrondan kuchli

2. Soʻyilgan jonivor tanasining ovqat sifatida isteʼmol qilinadigan qismi; et.

Koʻy goʻshti. Tovuq goʻshti. Qovurilgan goʻsht. Ahmad Tanbal chinni lagandagi goʻshtga endi qoʻl uzatganda, eshik sekin ochildi. — P. Qodirov, Yulduzli tunlar

3. Baʼzi bir mevalarning yeyiladigan qismi, eti.

  • Bir-birining goʻshtini yemoq Doim bir-biri bilan urishmoq, jiqqamusht boʻlmoq. Bir qop goʻsht Qoʻlidan hech narsa kelmaydigan, landavur odam haqida. Roʻziboy deganimiz bir qop goʻsht boʻldi-qoldi. Guldasta. Goʻshtingni yeyman Doʻq, poʻpisa maʼnosidagi ibora. Yeyman deydi goʻsh(t)ini, Qayraydi kal tishini. — Ravshan
  • Goʻshtini bir burdadan qilmoq Rosa urmoq, kaltaklamoq, savalamoq. — Koʻp yengillik qilib hingillay bermanglar! Otang koʻrib qolgudek boʻlsa, seni ham, meni ham goʻshtimizni bir burdadan qiladi,— deb to eshikdan chiqib ketguncha javrab qoladilar. — Oydin, Bechora
  • Nomaʼqul buzoqning goʻshtini yemoq 1. Xato qilmoq, adashmoq; — Nomaʼqul buzoqning goʻshtini bir yedik-da,— deydi Berdi tatar. — A. Qodiriy, Obid ketmon— Hol soʻr, ammo hamyonni ham soʻr, uka! Bilasan-ku ahvolimizni, qip-qizil goʻshtmiz,— dedi Umarali. — Oybek, Ulugʻ yoʻl
Toʻliq maqola →
goʻshanga
Izohli lugʻat · yana 4 ta lugʻatda

ot etn. Nikoh toʻyining birinchi kechasi kuyov bilan kelinning boshqalardan xoli oʻtirishi va tunashi uchun uy burchagiga tortilgan oq chodir; chimildiq.

Goʻshangada koʻzlar ilhaq boʻlmoqda, Kuyov bola talpinadi oʻshanga. — Mirtemir.

Urf-odatga binoan, ular Bobur bilan Oysha begim bir-birlarini toʻydan soʻng goʻshangada birinchi marta koʻrdilar. — P. Qodirov, Yulduzli tunlar

Toʻliq maqola →
goʻshtdor
Izohli lugʻat · yana 4 ta lugʻatda

sft. 1. Goʻshti koʻp, sergoʻsht, semiz.

Goʻshtdor odam

Zaynab qisqa boʻy, goʻshtdor va oq tanli edi. — A. Qodiriy, Oʻtgan kunlar

2. Sergoʻsht, eti qalin (baʼzi mevalar haqida).

Goʻshtdor jiyda. Goʻshtdor shaftoli.

Toʻliq maqola →
goʻshtsiz
Izohli lugʻat · yana 3 ta lugʻatda

sft. 1. Ichida goʻshti yoʻq; goʻsht solinmagan, begoʻsht.

Goʻshtsiz ovqat.

Yoʻlchi katta tovoqdagi goʻshtsiz, qatiqsiz moshxoʻrdadan ikki qoshiqqina ichdi — Oybek, Tanlangan asarlar

2. Goʻshti, eti yoʻq; oriq, ozgʻin.

Goʻshtsiz qoʻli bilan ushlamoq.

Toʻliq maqola →
goʻshanishin
Izohli lugʻat · yana 1 ta lugʻatda

ot kt. Odamlardan xoli, tanho hayot kechiradigan, odamga qoʻshilmaydigan, jamiyatdan ajralib qolgan kishi.

Qulmuhammadning goʻshanishin boʻlib, toʻshakda yotishi qulagan minoraga oʻxshardi. — Mirmuhsin, Choʻri

Toʻliq maqola →
goʻshtgirlik

ot esk. sprt. Badan tarbiyasi; kurash sanʼati.

Pahlavon qalin lablari bilan soʻzni asta oʻlchab kesib, goʻshtgirlik ilmi haqida qiziq maʼlumotlar berdi. — Oybek, Navoiy

Toʻliq maqola →