Проект Hayot Foundation
О проекте
Ру
Ру

Поиск

По запросу «go» — результатов: 1634

Фильтр
Раздел
Словари Сказки Диалекты Ресурсы
Тип словаря
Толковый Переводной Терминологический Фразеологический
С языка
Узбекский Русский Английский Каракалпакский Немецкий Французский Латинский Туркменский Турецкий
На язык
Узбекский Русский Английский Каракалпакский Немецкий Французский Арабский Латинский Казахский Туркменский Турецкий Персидский

← Все результаты

Словарные статьи

1634 · страница 1 из 82
goh

ayr. bogʻl. Uyushiq boʻlaklarni yoki ikki sodda gapni ayirib bogʻlash uchun xizmat qiladi (bunda u takrorlanib, galma-gallikni, voqea-hodisalarning galma-gal roʻy berishini ifodalaydi).

Goh kuladi, goh yigʻlaydi. Goh men borar edim, goh u kelar edi.

Goh sogʻ, goh kasal onaning taqdiri Komilani tashvishga soladi. — Oybek. Oltin vodiydan shabadalar.

Ikki kundan beri goh sevalab, goh shiddat bilan yogʻayotgan yomgʻir hamma yoqni ivitib yubordi. — A. Qahhor, Qoʻshchinor chiroqlari

Полная статья →
goʻr

ot 1. Oʻlikni koʻmish uchun qazilgan chuqur.

Birovga goʻr qazisang, oʻzing yiqilasan. — Maqol

Goʻringdan tutun chiqqur! Goʻringda chirigur! — (qargʻ.)

Toʻpa xolaning yonida ochiq goʻr gʻorga oʻxshab, allaqanday vahima taratib, qorayib turibdi. — I. Rahim, Ixlos

2. Oʻlik koʻmilgan joy va shu yerda tiklangan tepacha; qabr; qabr ustiga qurilgan maqbara.

Qayerga borasiz, Qulbobo ajalingiz yetsa, otamizning goʻri yoniga siz uchun katta bir sagʻana yasab, sizni eltib koʻmamiz. — S. Ayniy, Qullar

3. mod. s. GOʻRGA. 1. “Yaxshi“, ishqilib maʼnolarida qoʻllanadi.

U(yigit) ilkis atrofga nazar tashlab, yuragini birdan vahm bosdi: ne boʻronda qolib ketmasa goʻrga edi. — M. Mansurov, Yombi

4. Kesim tarkibida kelib, rozilik, istak va shu kabilar maʼnolarni ifodalaydi.

Foydasini bermasa ham goʻrga, sakkiz ming soʻmni qaytarsin. — A. Qahhor, Sarob

— Qariganda meni bir baloga giriftor etmasang goʻrga edi, — deya qichqirdi [Zohir shayx]. — S. Siyoyev, Yorugʻlik

  • Goʻr azobi Juda ham qiyin, mashaqqatli ish haqida. Yoʻl azobi —goʻr azobi. Maqol. Goʻr azobida Azob va mashaqqat bilan, katta qiyinchiliklar bilan.
  • Goʻrdami
  • Goʻriga gʻisht qalamoq Birovni orqavoratdan soʻkmoq, haqorat qilmoq, qoralamoq.
  • Goʻrnimi Qayoqda deysiz, hech-da. Bu safar silab-siypab oʻtibdimi? — Goʻrnimi?
  • Bir oyogʻi toʻrda, bir oyogʻi goʻrda yoki yoʻlidan goʻri yaqin Oʻlay deb turibdi, oʻlimi yaqin (oʻlimi yaqin boʻlib qolgan qari odam haqida). Bir oyogʻim toʻrda-yu, bir oyogʻim goʻrda, ajal degan roʻdapo eshikning tirqishidan moʻralab turibdi-yu, qolgan besh kunimga shukur qilmay, yana orzu-havas qilaymi, aylanay ovsin! — A. Muxtor, Opa-singillar
  • Ota goʻri qozixonami? Arzimagan ishga, narsaga ham shuncha gʻalva-janjalmi? [Hasan] Turmasang turmassan. Shunga ham ota goʻri qozixonami! Men Zuhra bilan narigi uyga oʻtaman. N. Safarov, Kimga toʻy, kimga aza.
  • [Oʻz] goʻriga tortmoq Birovni oʻz jinoyatiga sherik qilmoq; oyogʻidan tortmoq. U, Olaxoʻjani oʻz goʻriga tortmay, oʻsha yoqda yoʻq boʻlib ketsa koshki edi. — P. Tursun, Oʻqituvchi
  • Qay(si) goʻrga Qaysi goʻrga yoʻqolding, bachchagʻar! — oʻshqirdi Boboqulga qarab. — Oʻtni yoq. Bir piyoladan choy ichib, yoʻlga tushaylik! — S. Anorboyev, Oqsoy
  • Qay(si) goʻrda Ahmadjon aka! Qaysi goʻrda yuribsiz? Telefon qilmagan joyim qolmadi. — A. Qahhor, Ogʻriq tishlar
  • Qay(si) goʻrdan Qayerdan, qayoqdan; qayerdandir. [Rokiya:] Turgʻunboy — Farhodu, Muhabbat — Shirin edi. Qaysi goʻrdan bir xat keldi-yu, oralariga sovuqlik tushdi-qoldi. — N. Safarov, Hayot maktabi
  • Hammasi (yoki bari) bir goʻr Hammasi ham bir (xil), birdek, farqi yoʻq. — Koʻp oʻtmay, u meni yana boshqa joyga topshirdi. Bu boy dargohida oʻtgan hayotim eslashga arziydimi? Yoʻq. Hammasi bir goʻr edi, — dedi Hamroqul. — H. Tursunqulov, Hayotim qissasi
  • Har kimning goʻri boshqa Har kimning ixtiyori oʻzida, har kim oʻz bilganini qiladi. Karomat undoq boʻlib ketdi, indamadim; mayli, bunisiga ham bir nima demayman, har kimning goʻri boshqa, menga nima. — A. Qahhor, Qizlar
Полная статья →
gov

ot 1. Katta, ulkan.

Gov sigir.

Kallalari xuddi gov savatday, Tishi soʻyloq, xoʻp qopgir (qopongʻich) boytevatday. — Gulnorpari

Gov yostiqday zil xaltani koʻtarib [onam] keldi. — H. Nazir, Muhabbat

2. Sigirga, molga nisbatli haqorat; mol.

— Uh, bu govning qilayotgan nayrangi!— dedi-da, Abdurasul tokchaga suyab qoʻyilgan qoʻshotarni qoʻliga oldi. — P. Tursun, Oʻqituvchi

  • Gov kaptar Yovvoyi kaptarning bir turi.
  • Gov pechak Pechakning bir turi; chirmovuq.
Полная статья →
gʻoz

ot 1. Yovvoyi yoki xonakilashtirilgan, boʻyni uzun, suvda suzuvchi yirik qush.

Anavi Toʻlaganning erkatoyi! Minaman, deb gʻozlarni quvlagani-quvlagan. — A. Qahhor, Ogʻriq tishlar

Koʻklam keldi, uchib oʻtdi gʻoz-u turnalar. — Gʻ, Gʻulom

Sohilida chayqalar qamish Uchib oʻtar baʼzan oʻrdak, gʻoz. — Yo, Mirzo

2. koʻchma Gavdani tik koʻtargan holda: tik turib; tikka.

Gavdani gʻoz tutmoq. U gʻoz yurib chiqib ketdi.

Qizil shapkali qotmagina temiryoʻlchi minbarga yugurib chiqdi-da, Oxunboboyev oldida gʻoz turib raport berdi. — H. Gʻulom, Toshkentliklar

Kaklik chiroyli boʻynini gʻoz tutganicha, mast koʻzlarini jovdiratib xonish qilardi. — S. Anorboyev, Oqsoy

  • Gʻoz qarash Boʻynini choʻzib qarash, alanglash. [Bonu] Oʻrniga borib oʻtirib, zaldagilarga bir gʻoz qarash qilib qoʻydi. — S. Karomatov, Hijron
Полная статья →