Қидирув

от 1. Битта ота-онадан дунёга келган бола; ўғил ёки қиз (ота-онага нисбатан); бола.

Фарзанд азиз, одоби ундан азиз. — Мақол

Давлатнинг боши — фарзанд. — Мақол

Ота-онанг — давлатинг, Фарзандларинг — савлатинг. — Мақол

Фарзанд — бу келажак, фарзанд — ўтган аждодларни келажак авлодлар билан абадий боғлайдиган ҳалқа. — К. Яшин, Ҳамза

Асрорқул фарзанд кўрди боланинг отини Ёдгор қўйди. — А. Қаҳҳор, Асрор бобо

2. кт. кўчма Ўз Ватани ёки халқига манфаат келтирадиган, унга астойдил хизмат қиладиган киши; ватанпарвар, элсевар.

Ватаннинг содиқ фарзандлари. Миллат фарзанди.

Мустақил давлат фарзанди эканлигимдан бошим осмонга етди. — Газетадан

3. кўчма Бирор жамоа, ижтимоий-сиёсий, ғоявий гуруҳ, ҳаракат ёки ҳудудга мансуб, унга алоқадор шахс.

Мусулмон фарзанди.

— Мусулмон фарзандисиз, дилингиздаги васвасани ҳайданг. — К. Яшин, Ҳамза

Қайлардадир фисқ-у фасод, ҳасад, хусумат Инсоният фарзандларин тортмоқда дорга. — А. Орипов, Йиллар армони

4. кўчма Бирор маънавий, руҳий фаолият маҳсули.

Шеър — илҳом фарзанди. Ақл — эҳтиёж фарзанди.

сфт. Фарзанди бор, фарзанд кўрган; болали. Фарзандли аёл.

Фарзандли уй доим бўлар лолазор — Эрали ва Шерали

Дугонамнинг ўғли бир қиз билан севишиб, турмуш қурдилар, фарзандли бўлдилар. — Газетадан

от Фарзанд мақомида бўлиш, фарзанднинг бурч ва мажбуриятларини адо этиш; бирор кимсага фарзанд бўлиш.

Фарзандлик бурчи. Фарзандлик саломи.

Биз фарзандлик бурчин ўйлаб, танладик аъмол. — А. Шер, Қадимги куй

сфт. Фарзанди ёʻқ; бефарзанд, боласиз.

Иккови ҳам катта бўлди. Бойсари — бой, Бойбўри шоҳ эди. Иккови ҳам фарзандсиз бўлди. — Алпомиш

Эрининг фарзандсиз бева аммаси уни [Мунисни] жуда совуқ кутиб олди. — С. Аҳмад, Хотин

от Фарзанд кўришни, болали бўлишни истовчи; болага муҳтож бўлган.

Сиз туғмас экансиз, бахтингиз боғланган, фарзандталаблар менинг дуом билан тўққиз ой деган-да фарзанд кўрадилар. — К. Яшин, Ҳамза

от Боласи ёʻқлик, фарзандга зорлик, муҳтожлик.

Ёʻлдош самоварчи Ғозибек келгач, унга фарзандсизлик доғи, ёлғизқўлликнинг азобидан хўб ҳасрат қилди. — Н. Юсуфий, Ҳаёт сўқмоқларида

тайна усыновленияsecret of adoption of a child

время усыновленияTime of beginning of adoption

погов. (букв. не волнуйся, не спеши со временем и у тебя будут дети, и у тебя будет богатство), кто терпелив, того (рано или поздно) бог наградит счастьем.

запись акта об усыновленииadoption act statement

посл. богатство, благо, счастье ( в семье) начинается с ребёнка, мои дети — мое богатство.

сфт. Боласи, фарзанди ёʻқ; бола кўрмаган.

Бефарзанд одам.

[Ўғилни] Бир бефарзандга болаликка бердим. Қаерда бўлса, эсон бўлсин. — Ойбек, Танланган асарлар

У олтмиш тўрт ёшга кирган бўлса ҳам, бефарзанд эди. — Эрали ва Шерали

сфт. Фарзанди, боласи кўп.

Серфарзанд она.

— Боқижон бўлса, ҳамма ака-укаларига қараганда серфарзанд. У етти фарзанднинг отаси. — Н. Сафаров, Оловли излар

от Фарзандсизлик, бола-чақага эга эмаслик; бепуштлик.

Бефарзанд сийнаси доғли, бефарзандликдан азоб тортган неча чоғли. — Нурали

Кўзим тўлди бугун қонли ёшима, Бефарзандлик ситам қилди бошима. — Нурали

н having many children