Qidiruv

sft. 1. Maʼlum bir narsaga bevosita aloqasi, bogʻliqligi boʻlmagan, daxli yoʻq, taalluqli emas.

Bu senga daxlsiz gaplar.

Qurbon oʻziga daxlsiz narsalar haqida xayol surayotganini payqab, yuragi siqildi. — Sh. Xolmirzayev, Qil koʻprik

2. Hech kim daxl qila olmaydigan, qoʻl tegiza olmaydigan, har qanday qasd yoki tajovuzdan himoya qilingan yoki qilinadigan; buzilmas.

Maddohlar — xudoning daxlsiz bandalari, ularni xonlikning har bir bekligi, har bir noibligiga joʻnatsak, zarar qilmas. — S. Siyoyev, Yorugʻlik

Yana qadri oshadi onamizday muqaddas, Har qarichi muborak, daxlsiz, aziz yerning. — Gʻ. Gʻulom, Sheʼrlar

3. dip. Oʻzga ellarda qonun yoʻli bilan jazolab boʻlmaydigan.

— Hazrat, bu odatga xilof. Elchilar daxlsiz-ku, — deb xirilladi. — M. Osim, Karvon yoʻllarida

ot Biror shaxs yoki narsaga aloqadorlik, taalluqlilik; aloqa, munosabat.

Bizning urishib qolishimiz uchun Karim sandiqchining ham daxli bor. — A. Qodiriy, Oʻtgan kunlar

Aslini surishtirsangiz, bu ishlarga xudoning hech daxli yoʻq, aka. Hammasini oqposhsho qilayotibdi. — P. Tursun, Oʻqituvchi

ot 1. Biron-bir ishga daxli, aloqasi yoʻqlik, taalluqli emaslik.

2. Har qanday xavf yoki tajovuzdan himoya etilganlik.

Chegara daxlsizligi. Uy-joy daxlsizligi. Diplomatli daxlsizlik. Deputat daxlsizligi.

Mamlakatimizning taqdiri, chegaralarimizning daxlsizligi shu hududda yashayotgan fuqarolarimizning hushyor va sergakligiga ham bogʻliq. — Gazetadan

jamiyatda xususiy mulkchilikka nisbatan hurmat va uning daxlsizligini taʼminlaydigan muhit yaratishimiz shart. — Gazetadan

immunity, inviolability, integrity

ruschaтерриториальная неприкосновеннос тьinglizchaterritorial inviolability

ruschaличная неприкосновенностьinglizchainviolability (security) of (the) person, personal immunity

ruschaдепутатская неприкосновенностьinglizchainviolability of a deputy

ruschaдипломатическая неприкосновенностьinglizchadiplomatic immunity

ruschaдипломатическая неприкосновенностьinglizchadiplomatic immunity

ruschaнеприкосновенность жилищаinglizchainviolability of dwelling

ruschaнеприкосновенность границыinglizchainviolability of a state border

ruschaнарушать неприкосновенность жилищаinglizchaviolation of inviolability of dwelling

sft. ayn. Daxldor.

Bu gaplar senga daxlli emas.

sft. Biror narsaga bevosita aloqasi, bogʻliqligi boʻlgan, aloqador, taalluqli.

Nizomiddin suhbat hozir oʻzining jangovar ishlariga daxldor boʻlgani uchun indamay oʻtirardi. — N. Safarov, Olovli izlar

Aybnomada hali qamoqqa olinmagan, ammo jinoyatga daxldor boʻlgan bir qancha kishilarning nomlari ham keltirildi. — Gʻulom, Mashʼal

ot Biror ish-harakatga, jarayonga aloqadorlik; sheriklik.

Keyin bilsam, mamlakat taqdiridan, uning tashvish va muammolaridan doimo boxabar boʻlib turish har bir fuqaroning tabiiy ehtiyoji boʻlib, u Vatan taqdiriga daxldorlik tuygʻusidan kelib chiqar ekan. — Gazetadan

encroachment, infringement

fl. shv. Hazil qilib aytmoq, hazillashmoq.

Daxllashib aytgan edim, menga tushunmabdilar. — J. Sharipov, Xorazm

— Ogʻalar, siyosat qilmanglar, daxllashmanglar, — dedi [Sobir temirchi]. — J. Sharipov, Xorazm

non-participation, being not implicated (privy)

belong, relate, be connected